initium Fabiani Bacsiensis archiepiscopi defigere debeamus inter a. 1093. et 1095.”[243] Adeoque etiam Acha intra hoc tempus ecclesiae Strigon. praeesse debuit, nec, ut ultro apparet, Stephanum praecedere potuit. Nos medium tenentes, annum illi 1094. assignamus. - Szörényius meminit se in autographo quodam legisse, Acham Palatinum Regni Hungariae genuisse filium cognominem, atque eum ordini ecclesiastico adscriptum sive in Hungaria, sive Romae in Collegio Canonicorum litteras perdidicisse, in eamque opinionem venit, hunc Acham Palatini filium Archiepiscopatum Strigon. post mortem Desiderii, ut illi quidem videtur, obtinuisse. Hac super re - ut verbis Schmitthii loquar - quid sentiam, non habeo dicere. Certum tamen est Acha comitem a. 1091. occurrere.[244] Porro Inchoffer in suis Manuscriptis existimat legationis, quam s. Ladislaus ad salutandum Urbanum II. delectum Papam Romam destinavit, caput principemque Acham nostrum exstitisse.[245] Unde haec hauserit, adnotare neglexit.

---

[243] Hist. Col. Eccl. I. 14. 173 175.

[244] Fejér I. 469.

[245] Schmitth 1. c. 41.