32.
1097. mense Maio. - Seraphinus Archiepiscopus Colomannum Regem cum Busilla Rogerii Siciliae Comitis filia matromonio iungit.
Per totam Pannoniam nuptiae regis praeconizantur, undique cum enceniis concurritur, et, quum semper frequens et numerosa manus ex inore cum rege sit, innumerabilem turbam plus solito rumor nuptiarum et novae reginae visendae appetitus conflavit. Die determinato, praesentibus archiepiscopis et episcopis et diversis ordinibus, dos puellae legali more in publico protestatur, rex et regina catholice pariter desponsantur, solemnesque nuptiae in tentoriis et ex virentibus ramis tabernaculis factis celebrantur. Nam nullae domus tantae multitudini sufficiebant.
Gaufredus Malaterra ap. Muratori Script. Rer. Ital. V. pag. 599. - Katona Hist. Crit. III. 55. - Cum tempore hoc Seraphinus Archiepiscopi Strigon. munere fungebatur, ille extra omne dubium Regem matrimonialiter copulavit.
33.
1099. 11. Jun. - Seraphinus Archiepiscopus Strigon. Hermannum electum Episcopum Pragensem et Cosmam Pragensem Annalistam Bohemorum, Strigonii in presbyteros ordinat.
Occurrens (Bretislaus dux Bohemiae) Pannonico Regi Cholomanno in campo, qui dicitur Luczko, - - ibi dux Braczislaus suum Electum Hermannum Diaconum comittit Seraphin Archiepiscopo ordinandum. Qui veniens ad sedem suam urbis Strigoniae tempore, quo sacri ordines celebrantur, III. Idus Junii ordimit eum Presbyterum, et me quam vis indignum, similiter ad eum promovit gradum.
Cosmas Prag. ad h. a. pag. 209. - Pertz Mon. SS. IX. 105. - Katona Hist. Crit. III. 61. - Dudik Gesch. Mähr. II. 500.
34.
1100. - Golomannus Rex iudicium ferri et aquae „nisi in sede episcopi et maioribus praeposituris, ut Posonii et Nitriae” celebrari permittit.
Decr. I. c. 22. - Certum ex hac lege est, Praeposituram Poson. Sec. iam XI. conditam fuisse. Eius auctorem Pray (Hierarchia I. 6.) S. Ladislaum opinatur. Cui et Katona (Hist. Crit. II. 553. 668.) consentit, dum ad a. 1090. sequentia observat: „In gratam fortassis relatae de Cumanis victoriae memoriam s. Ladislaus princeps Posonii

---