37.
1103. 8. Dec. - Paschalis PP. II. Monasterio s. Martini, „in monte supra Pannoniam” sito, inter caetera confirmat: „In Archiepiscopatu Strigon. Ecclesiam Sancte Marie in Uuaga.”
Wenzel 1. c. VI. 73. Extr. Fejér Cod. dipl. II. 40.
38.
1103. - Seraphinus Archiepiscopus Strigon. exortas simultates inter Mathaeum episcopum Vesprimiensem et Petrum Abbatem Montis Pannoniae amicissime componit. Disceptationi intererant Ugolinus Colocensis, Sixtus Varadiensis et Arduinus Iauriensis Episcopi.
Schmitth Arch. Strig. I. 46. et hinc Wenzel I. 45. - Schmitthius illud e quodam diplomate, hucdum latente, hausisse videtur.
39.
Ca. 1103 - 1104. - Forco hospes, qui „primo adventus sui tempore Almo Duci studio servitutis claricalis adhesit, post eius discessum Archiepiscopo Seraphino, dein vero Vespergensis (Vesprimiensis) Ecclesie Pontificibus, Matheo scilicet et Nane, Martyrio, Petro et Paulo - - memoriter iocundeque servivit.
E testamento eiusdem Forconis a. 1146. condito. Wenzel 1. c. I. 58. - Pray Epist. Exeget. 36. - Fejér Cod. dipl. VII. IV. 62. - Álmos dux iuxta Stephanum Katona circa a. 1103 - 1105. prima vice Passavium discessit (Hist. Crit. III. 223) Et revera discessus hic ultra a. 1104. ideo differri non potest, quia anno, 1105., ut vidimus, iam Laurentius Archiepiscopus Strigon. comparet.
40.
Ca. 1104. - Seraphinus Archiepiscopus Strigon. moritur.
Functus legatione apud Boleslaum Poloniae Ducem, ut testantur Mss., postquam aeger in Hungariam rediit, diem ultimum currente a. 1104. vixit.
Schmitth. Arch. Strig. I. 47. - Cum fontem propius non indicet, nec alibi id occurrat, legatio haec incerta; annus tamen emortualis, ex iis, quae mox proferemus, recte adnotata videtur.

---