saltem hinc inde in Arce, imo in ipsa civitate repertis frustis ideam quamdam formare licet. Constat eam caelaturis, mosaico labore expositis figuris, inscriptionibusque applicitis ornatam fuisse.
Aspicienti igitur, primo statim Augustae Majestatis Symbola, duo Leones objiciebantur, qui in Templo cubantes, oculis exesis, pedibus fractis, ore auribusque antiquitate et tactibus praetergredientium attritis, qua custodes introitus eminebant, basi marmoreae incubantes pedibus anterioribus sibi suppositis ventretenus uterque exsculptus et mutuo sibi capite obverso, dexter quidem ex daobus frustis a tertia lateris costa jam mutilatus, pedibusque confractis actu adest.
Horum dorsis pulcherrimae duae columnae marmoreae octogonae duas orgiasaltae insidebant, coloris uniformitate, sine omni ruptura, tot annorum, circiter quingentorum spatio, numerando ab anno 1188., quo ArchiEpiscopo Jobo Protectionales Pontificiae Clementis III. sunt datae, et supra variis vicissitudinibus mira, aemulatione Leonum gestientium sustinere in suo dorso, quin adhuc per modum rosae e dorso Leonum nidus protuberans majori subserviebat ornamento, fines columnarum velut coronis circumcincti, e dorso enati sunt: Columnae hae (id perhibente A. R. D. Szé1es condam Capellae Bakacsianae Beneficiato contemporaneo et oculato teste) mox post fata Barkoczyana disparuere.
Duobus passibus a Leonibus distabant in angulis ex utraque parte statuae humanae cum basi 1 pedis et 10 pollicum altae, ex albo calcario exsectae lapide, vinctis post terga manibus, uno solo genu violenter flexo, oblongo vestitu praecinctae, lumbis reclinatae antrorsum velut gementes, dorso quilibet columnam ex lapide aeque albo, non tamen ita quam priores prominentem sustentare videbantur.
Portam hanc, ex conjectura radiorum circularium liminis, triplicem exhibere licet, ita ut media eorum altior, latiorve, inter duas angustiores et depressiores, sita fuerit; perviasne, vel solum figuratas fuisse, haud est determinare; ornamento potius majestati, quam commoditati deservientes. Harum in arcu nulla poteram detegere inscriptionum vestigia.
Porta media habuit in superliminari infra arcum per transversum marmor, cujus per medium videbatur ex parte sinistra inchoando diversi coloris marmore exposita effigies Basilicae, supra cum inscriptione incisa: BASILICA, Job ArchiEpiscopus flectens, in manibus quasi chartam tenens, cum inscriptione: Deus propitius esto mihi peccatori. Supra eum: IOB. ARCHIEPS. in medio: ANIMALIA, et directe inferius erant duo angeli, supra lapidi incisam rotam volantes, et flabellum per crucem exhibentes, spiritus impetum exprimebant, quo rota agitatur, rotae vero majori minor implexa eidem axi erat connexa, per crucem vero tres apparebant commissurae, per circuitum rotae majoris latinis characteribus exiguis exhibebatur inscriptio: ROTA IN MEDIO ROTAE; dein ultra ad dextram Rex Bela manibus inscriptionem tenens; Qui plasmasti

---