167.
1205. 6. Oct. - Innocentius PP. III. Joannem Archiepiscopum Colocensem ad metropolim Strigon. transferendo, diuturnae controversiae finem imponit.
Innocentius - - praeposito et Capitulo Strigon. - Bone memoriae V. archiepiscopo vestro viam universe carnis ingresso - - - (resumit Nrum. 165.) Ceterum, quum - - H. rex Vngarie viam fuisset interim vniverse carnis ingressus, quidam vestrum a postulatione, quam nobis presentaveritis communiter, temere recedentes, alijs persistentibus in eadem et ad sedem apostolicam appellantibus, Quinqueecclesiensem episcopum in Archiepiscopum postularunt, quorum votis nullus suffraganeorum assensit, excepto dumtaxat Episcopo Nitriensi. Et licet - - Andreas Ungarie Rex illustris, tunc Dux et Regni Ungarie - - gubernator - - (resumit Nrum. 166.) - Verum antequam ad vos nostre littere pervenirent, innitentes mandato priori, Suffraganeos, qui erant in Regno presentes, preter predictum Quinqueecclesiensem, ad concordiam revocastis, ita, quod Vaciensis, Vesprimiensis et Jauriensis Episcopi pro translatione Colocensis Archiepiscopi, salvo iure suo in posterum, cui propter afflictionem et necessitatem Strigon. Ecclesie supersedebant ad presens, nos humiliter rogaverunt, predicto Nitriensi scribente, quod si non placeret nobis postulationem factam de Quinqueecclesiensi admittere, pro postulatione alterius sine preiudicio Juris sui nos suppliciter exhorabat. Post hec autem mandato nostro suscepto, hii qui convenerant in archiepiscopum Coloc., ab eius postulacione - - recedere noluerunt, sed innovantes eandem, quibusdam Canonicorum, qui in partem alteram declinaverant, reversis ad eos, cum predicti Regis et Suffraganeorum litteris, - - A. Magistrum Scolarum, M. Thesaurarium; A. Archidiaconum et F. et N. Canonicos Strigon. ad sedem apostolicam destinarunt, super postulatione sua dispensationis gratiam petituros. Ceteri vero, qui Quinqueecclesiensem Episcopum postularunt, - - convenientes in unum, ceteros Canonicos ad Capitulum convocarunt, ad postulationem concordem vel electionem Canonicam - - procedere cupientes, sed illis nolentibus convenire, intelligentes penes se tantum remansisse facultatem liberam eligendi, quia reliqui ius suum prosequi negligebant, predictum Quinqueecclesiensem episcopum, licet, ne id fieret, fuisset ab aliis appellatum, denuo postularunt. Cum ergo utriusque partis Nuntii ad sedem apostolicam pervenissent, hii, qui pro Quinqueecclesiensi Episcopo venerant, proponebant partem suam iuxta mandatum apostolicum processisse, nec obstare discordiam vel contradictionem eorum, qui iuxta formam mandati nostri procedere contempnentes, illo recepto, nec elegerant quemquam canonice nec concorditer postularant, unde concors debebat eorum postulatio reputari. - - - Ad hec autem ex adverso poterat responderi, quod illi, qui Coloc. Archiepiscopum postularant, formam secuti fuerant per nostras litteras sibi datam, quoniam innitentes

---