192.
1211. a. 12. Febr. - Strigoniensis et Colocensis Archiepiscopi conventionem super coronatione Regis et iurisdictione ineunt.
In nomine patris et filii et Spiritus S. Amen. Haec est forma pacis inter Strigon. et Coloc. Archiepiscopos: Prima coronatio Vngariae specialiter spectat ad solam Strigon. ecclesiam. Veram tamen si Strigon. archiepiscopus non posset, vel malitiose nollet regem coronare, vel Strigon, ecclesia vacaret; coronet regem Colocensis, nullum ex tali coronatione ius sibi vendicando in prima coronatione. Secunda coronatio ei deinceps aequaliter pertineat ad vtramque.
De prouentu monetae decima pertineat ad ecclesiam Strigon., vbicunque in Regno Vngariae cudatur. Quodsi cudi desierit generalis moneta totius Vngariae; quidquid loco generalis monetae successerit, decimam habeat Strigon. ecclesia.
Strigon. archiepiscopus renunciat omni iurisdictioni et iuri spirituali, quod habebat vel habere videbatur in provincia Colocensi; praeter decimam monetae, si ibi contingeret fabricari.
Judicium officialium domus regiae quilibet episcopus habeat in sua parochia.
Exhibitio sacramentorum regibus et eorum liberis, tam ad ipsos Archiepiscopos, quam ad alios episcopos in suis parochiis pertineat pro voluntate regis.
In omnibus aliis vtrique ecclesiae iura sua conserventur illaesa et consvetudines antiquae. - - Salua in omnibus auctoritate apostolica. Quodsi papa non
approbaverit; res sit in eo statu, in quo nunc est. Jurauerunt ambo archiepiscopi et eorum suffraganei, - - necnon et procuratores capitulorum vtriusque ecclesiae. - E Nro. 193. - Fejér Cod. dipl. III. I. 131., Endlicher Mon. Árpád. 406.
193.
1211. 12. Febr. - Innocentius PP. III. conventionem super coronatione Regis inter Archiepiscopos Strigon. et Colocensem initam non adprobat.
Innocentius - - Capitulo Strigon. - - Vesprimiensis Episcopus in nostra proposuit presentia constitutus, quod cum de pace perpetuo statuenda inter Strigon. et Coloc. Ecclesias dia fuerit vobis mediantibus tractatum, tandem - - Strigon. Archiepiscopus de consensu Suffraganeorum Strigon. Ecclesiae, videlicet Agriensis, Georiensis et praefati Vesprimiensis Episcoporum ex parte una et - - Colocensis Electus de voluntate Suffraganeorum Coloc. Ecclesiae, Waradiensis videlicet, Cenadiensis et ultrasiluani Episcoporum ex altera, in certam

---