representent, iustam auctore domino sentenciam recepture. - - Datum Romae apud s. Petram.”
Ex Orig. Wenzel 1. c. I. 136., ubi datum diei „octauo Nonas Maij” exprimitur, manifeste erronee, cum Nonae mense Maio sex non excedant.
205.
1214. - Andreas II. Rex Innocentium PP. III. orat, ne coronationem filii sui Colomanni ad Legati Apost. adventum differat, sed eum per Joannem Archiepiscopum Strigon. inungi iubeat. Porro eundem Archiepiscopum ab onere accedendi concilium dispenari et litteras de iure coronationis, ad Ecclesiam Strigon. pertinenti, per subreptionem samissas, e registro rescribi petit.
- - Innocentio - - summo Pontifici, Andreas - - rex. - - Galiciae Principes et populus, nostrae ditioni subiecti, humiliter a nobis postularunt, ut filium nostrum Colomannum ipsis in regem praeficeremus. - -
Verum ne tam expediens nobis et vobis illorum propositum ex dilatione sustineat impedimentum, quod quidem multis de causis accidere posse constat, si legatum, ad hoc exequendum a latere vestro destinatum, praestolamur, - - postulamus, quatenus venerabili in Christo Patri nostro, J. Strigon. Archiepiscopo, detis in mandatis, ut apostolica fretus auctoritate, dictum filium nostrum eis in Regem inungat. - - Praeterea innotescere voluimus vestrae Paternitati, nos ad proficiscendum Hierosolymas - - studiose intendere. - - Ideoque regni nostri curam - - et filiorum nostrorum tutelam, quorum aetas patrono indiget, - - J. Strigon. Archiepiscopo, qui et dignitate ceteris praeeminet et fidei constantia probatus est, cum aliquibus aliis, - - possumus commendare. Quapropter rogamus - - , quatenus - - ipsum ab onere accedendi ad vos habeatis excusatum. - - - Meminerit etiam sanctitas Vestra, anno ante praeterito super iure coronationis, ad Ecclesiam Strigon. pertinente, per venerabilem R(obertum) Episcopum Vesprim., nuntium nostrum, vos nobis litteras direxisse, continentes laudabile vestrum consilium - - , quod si coronatio ad plures pertineret, materiam dissessionis et schismatis facile excitaret, dum unus unum, alius alterum in Regem coronaret, quas cum quibusdam aliis a sede Apostolica nobis directis, et continentibus solam Strigon. Ecclesiam in officiales domus regiae iurisdictionem habere, in occisione - - uxoris nostrae, per subreptionem amisisse, quarum continentiam, quia credimus in registro contineri, petimus a Sanctitate vestra nobis rescribi. Nec diffiteri possumus, nec volumus, quin decima monetae, ubicunque cudatur in tota Ungaria, vel quicquid loco Monetae succedat, ad ius Strigon.

---