256.
1223. 11. Apr. - Honorius PP. III. Praepositum Aradiensem ad instantiam Regis, ad eundem Regem, satisfactionem „de dampnis, que N(icolaus) et O(thes) Comites per se ac quosdam paganos, dicto rege mandante, irrogarunt”, recepturum remittit, provocans Archiepiscopum Strigon., et episcopum Vesprimiensem, ut Regem „ad id diligenter monere et efficaciter inducere” studeant. Datum Later. III. Id. Apr., P. a. 7.
Eodem die ad regem quoque hoc in negotio litteras dedit.
Fejér Cod. dipl. III. I. 411. 412., Theiner Mon. Hung. I. 39. 40. - Qui hic occurrunt pagani, in litteris Nri. 255. appellantur Ismaelitae alias Saraceni. Copiosos hos in Hungaria fuisse, ac revera paganos, idem Honorius his ad Reginam a. 1221. datis litteris attestatur: „Quum multitudo Saracenorum Hungariae ad te pertinere dicatur, serenitatem tuam rogandam duximus - -, quatenus non impedias, - - quominus Christiani tam servi, quam liberi, de manibus Saracenorum abstrahantur; quum - - ex cohabitatione ipsorum multi in gentilitatis errorem, vt dicitur, elabantur.” Vide Fejér ib. 312., cui Saraceni hi „cum Andrea II. e terra sacra subintrasse videntur.” Ib. 407.
257.
1223. 7. Oct. - Honorius PP. III. Archiepiscopo Strigon. indulget, ut praebendas Ecclesiae suae Capellis annectendis augmentare valeat.
Honorius - - Archiepiscopo Strigon. - - . Ex parte tua nobis fuit humiliter supplicatum, ut cum - - prebende Strigon. ecclesie tenues sint equaliliter et exiles, de nostra tibi permissione liceret Canonicis Strigon. ad provisionem eorum augendam conferre capellas. - - Quia tamen per hoc statutis derogaretur generalis concilii, que volumus inconcusse servari, te in hac parte nequivimus exaudire. Porro - - concedimus, ut, si evidens necessitas vel utilitas exigat, ecclesie memorate prebendas de Capellis in perpetuum annectendis eisdem valeas - - augmentare. - - Dat. Anagniae Nonis Oct., P. a. 8.
Fejér Cod. dipl. III. I. 419., Theiner Mon. Hung. I. 42.
258.
1223. circ. Nov. - Joannes Archiepiscopus Strigon. finem vitae sortitur.
Annus emortualis e diplomatibus regiis apparet, cum enim in diplomatum a. 1222. subscriptionibus Joannes adhuc compareat, in diplomatibus a.

---