et fecimus. Anno ab incarnatione dominj Mo. CCo. XXo. Vo. Datum per Manus magistrj Benedictj, Lectoris Strigoniensis.
A. B. C. D.
Fragm. Sigilli e zona membr. pendet. Orig. in Arch. Cap. Strig. priv. Lad. 26. fasc. 1. Nro. 1. - Ed. Cod. Strig. II. 28; Wenzel 1. c. VI. 429.
277.
1225. - Incolae de Bé1a recognoscunt coram Cruciferis Strigon., Capitulum Strigon. in villa ipsorum possidere terram trium aratrorum.
A B C D
Quoniam labilis est hominum memoria et rerum turbe non suificit; solent ea, que inter homines siue in iudicio, siue extra iudicium legitime geruntur, litterarum testimonio commendari et scripture memoria perhennari. Hinc est, quod ego Herbrandus Magister Hospitalis domus sancti Stephani Regis Hungarie de strigonio, meique fratres, videlicet Hemericus Decanus, Visuntinus Custos, Thomas et ceteri fratres eiusdem domus, tam Clerici, quam laici, ad vniuersorum noticiam uolumus peruenire, Quod constitutis in presencia nostra canonicis strigoniensibus, ab una parte; hominibus de villa Bela, videlicet: Bodun, Chefun, Ciba, Topsa, ylario, Doncus, Gude et Bot, pro tota eadem villa, ab altera, proposuerunt dictj homines, quod cum dicti Canonici terram ad tria aratra, quam in uilla ipsorum habebant, ab ipsis repeterent et ipsi inficiantes eandem reddere dissimularent; canonicj ordine iudiciario dictam terram ab ipsis requirere intendebant; videntes ergo ipsi, quod tantum ius ecclesie beatj Adalberti absque magno sui dampno et animarum suarum graui periculo celare non possent, recognouerunt ante litis ingressum, eandem ecclesiam habere terram ad tria aratra in villa ipsorum, preter terram ad vnum aratrum in eadem villa, quam a Cosma, filio Comitis Paschasij, eidem ecclesie olim dicebant esse collatam; et hec omnia coram nobis homines supradicti pro tota villa sunt confessi. Ne ergo super hijs inter ipsos et ecclesiam questio oriatur inposterum; ad peticionem utriusque partis presentem paginam confecimus in testimonium, Sigilli nostri munimine Roboratam. Anno ab incarnacione domini Mo. Co C. XXo. Vo.
Sigillum e corrigia dependet. Originale litteris maiusculis pulchre exaratum in Arch. Cap. Strig. publ. Capsa 18. fasc. 6. Nr. 25. - Transumsit idem Conventus a. 1304. In Arch. eiusd. Cap. priv. Lad. 24. fasc. 1. Nr. 9. - Ed. Cod. Strig. II. 27; Wenzel 1. c. VI. 430.
Első
