281.
1226. - Jobagiones Castri Barsiensis tertiam partem tributi Goznucha die subeundi duelli, iudicialiter indicti, Conventui s. Benedicti de iuxta Grón cedunt coram Capitulo Strigon.
Nicolaus prepositus Strigon. et eiusdem loci Capitulum, omnibus, ad quos littere presentes peruenerint, oraciones in domino. Vniuersitati uestre significamus, quod constitutis in presencia nostra Laurencio abbate Monasterij Sanctj Benedictj de Goron, ab una parte; Paulo Jobagione castri borsiensis, et tunc curiali comite eiusdem castri, ab aliis eiusdem castri iobagionibus transmisso, ut dicebat, ab altera; mediante Leustachio, filio Borc, qui se pristaldum Regis esse dicebat, proposuit idem pristaldus, quod cum Dominus Rex causam, que inter predictum abbatem et conuentum ipsius et iobagiones monasterij, ab una parte, et inter dicti castrj iobagiones ab altera, super tercia parte tributi Goznucha uersabatur, Nicolao comiti, filio Borc, et Petro, tunc comiti Borsiensi, commisisset cognoscendam; constitutis partibus in presencia iudicum, dictus abbas et conuentus, necnon iobagiones Monasterij terciam partem dicti tributi, nomine iuris suj monasterij, a dictis castri iobagionibus repetebant. Illi oero nullum ius ipsum Monasterium in illo tributo habere dicebant. Judices ergo auditis hinc inde propositis, utrique partj duelIum indixerunt. Verum in die, examinacionj duelli assignato, partes amicabiliter conuenerunt, ita, quod in bono pacis iobagiones castri terciam partem dictj tributj dicto Monasterio resignauerint, sine contradictione perpetuo percipiendam. Hijs a pristaldo propositis, partes hec omnia ita esse, ut pristaldus proposuerat, asseruerunit. Ne ergo per posterorum maliciam super hoc questio oriatur in posterum; ad peticionem parcium et pristaldi sepedicto Monasterio litteras concessimus testimoniales, sigilli nostrj munimine roboratas. Anno ab incarnacione dominj Mo. CCo. XXo. VIo. Datum per manus Magistri Benedictj, Lectoris Strigoniensis.
A B C D
Sigillum e flavo serico pendebat. Orig. pulchre exaratum in Arch. Cap. Strig. priv. Lad. 40. Fasc. 1. Nro. 4. - Aliud par humore maculatum, in quo litterae incisae in fronte conspiciuntur, ibidem Nro. 5. - Fejér I. c. III. II. pag. 93., extr. VII. V. 236.
282.
1226. - Nicolaus Praepositus et Capitulum Strigon. super terra Gymes litteras edunt per manus Benedicji Lectoris. Fejér Cod. dipl. III. II. 93.