286.
1227. 18. Jul. - Gregorius PP. IX. transumit et confirmat Nrum.
53. - Dat. Anagnie XV. Kal. Aug., P. a. 1.
Theiner Mon. Hung. I. 85., Wenzel 1. c. 242., Tkalcic Mon. Episc. Zagrab I. 61.
287.
1227. ante 31. Jul. - Robertus Archiepiscopus Strigon. ad preces Borizii principis Cumanorum, in Cumaniam profectus, quindecim millia baptizat.
In Hungaria Magister Robertus Vesprimiensis, vir bonus et religiosus, in Leodiensi dioecesi natus, factus fuerat archiepiscopus Strigoniensis, cui, cruce signato et in procinctu itineris constituto, occurrit filius principis de Cumania et ait: domine, baptiza me cum duodecim istis et pater meus veniet ad te ultra silvas in tali loco cum duobus millibus virorum, qui omnes desiderant de manu tua baptisari. Quo facto abiit archiepiscopus ultra silvas (seu in Transilvaniam) in occursum patris illius et ibi baptisati sunt, Deo dante, quindecim millia.
Magnum Chron. Belgicum ap. Pistorium III. 242,; Pray Hier. I. 415., Katona Hist. Crit. V. 341. 508. - Chron. quidem haec ad a. 1220. enarrat, sed hic errorem cubare, ac non ante hunc annum haec facta fuisse, Nrus. 288. abunde ostendit.
288.
1227. 31. Jul. - Gregorius PP. IX. Roberto Archiepiscopo Strigon. plenae legationis officium in Cumania et terra Brodnic committit.
Gregorius - - Strigon. Archiepiscopo, apostolice sedis Legato. - - Nuper per litteras tuas - - accepimus, quod - - aliqui nobiles gentis (Cumanorum) per se ad baptismi gratiam pervenerunt et quidam princeps, Bortz nomine, de terra illorum cum omnibus sibi subditis per ministerium tuum fidem desiderat suscipere christianam, propter quod unicum filium suum una cum fratribus predicatoribus, messis dominice operariis in terra predicta, ad te specialiter destinavit, attentius obsecrans, ut personaliter accedens ad ipsum et suos, viam vite ostenderes ipsis. - - Unde quamvis pro executione voti tui, quod emiseras pro terre sancte succursu, in peregrinationis esses itinere constitutus, considerans tamen tam magnum animarum fructum

---