Hung. Acta Eccl. fasc. 47. Nro. 12. - Fejér Cod. dipl. III. II. 269. - Dominicanorum Strigon. hic prima mentio occurrit.
327.
1232. ante 25. Febr. - Robertus Archiepiscopus Strigon. totum Regnum interdicto subiicit.
Robertus dei gratia Strigon. Archiepiscopus, - - B. - Vesprimiensi episcopo. - - Noverit vestra paternitas, nos litteras summi pontificis recepisse sub hac forma.
Sequitur Nrus. 315.
Sciat preterea vestra discretio, quod sub eadem forma, sub qua nobis scriptum est, domino Regi Andree misit summus pontifex litteras, rogans - -, ut ad corrigendos supradictos excessus in regno suo daret operam efficacem. - - Dominus itaque rex congregatis filiis suis et pro maiori parte episcopis et aliis Jobagionibus, - - in reformatione pacis inter ipsum et suos filios super quibusdam articulis observandis et super quibusdam aliis corrigendis constitutionem quandam fecit, quam - - - promisit se de cetero firmiter servaturum. In dicta vero constitutione inter cetera specialiter statutum est et insertum, ne Judei vel Sarraceni Camere vel aliis publicis officiis preferrentur. Nullis itaque correctis de hiis omnibus, que dominus papa rogaverat et preceperat corrigenda; contempta etiam et non observata constitutione - - supradicta, ultimus error factus est peior priore - -, cum non solummodo Sarraceni preficiantur Camere et publicis officiis, ymmo conditione eorum facta meliore quam antea, quidam eorum, qui quasi servilis conditionis hucusque fuerunt et ad solvendam quandam summam pecunie annuatim domine regine tenebantur, nunc ab huiusmodi conditione liberati, facti sunt stipendiarii et liberis hominibus sunt equales. Solebant quandoque Christiani ritibus Sarracenorum adherere, estimantes leniorem conditionem impositam Sarracenis in Ungaria, quam pauperibus Christianis; - - - potestis enim scire, quod per huiasmodi apostasiam in partibus istis animarum infinita milia perierunt. - - - Ecclesiarum, Monasteriorum, orphanorum, clericorum, pauperum condicio de die in diem aggravatur; nam et multe possessiones et redditus et beneficia, que per privilegia regalia ecclesie et domus religiose possidebant, per malitiam Sarracenorum, per iniquas suggestiones consiliariorum domini regis domibus religiosis et ecclesiis sunt subtracta, Ne igitur - - tantam iniuriam - - dissimulare videamur, cum dominus rex Andreas, sepe per nos admonitus, - - supradictos excessus corrigere noluerit; nos mandatum apostolicum exequendo, - - totum Regnum Ungarie supposuimus interdicto, pohibentes - -, ne quis in regno Ungarie, sive Strigoniensi,

---