supersedere procures, cum ea velimus per dictum Legatum - - terminari. Datum Reate XI. kal. Aug., P. a. 6.
Theiner Mon. Hung. I. 105. - Fejér Cod. dipl. III. II. 302.
331.
1232. Aug. 31. - Gregorius PP. IX. indulget Abbati et Conventui s. Benedicti de Grón, ut tempore interdicti consuetis sub cautelis divina celebrare possint.
GREGORIUS episcopus seruus seruorum dej. Dilectis filijs ... Abbati et Conuentui Sancti Benedicti de Gran ordinis s. Benedicti, Strigon. diocesis, salutem et apostolicam benedictionem, Suscepti cura regiminis, que facit nos et reddit omnibus debitores, nos ammonet locis religiosis diligentiam impendere specialem, ne aut ordo ibidem constitutus aliqua possit occasione destitui, seu grauaminibus uel molestijs aliquorum secundum propositum impediri. Eapropter dilectj in domino filij uestris supplicationibus inclinati, presentium uobis auctoritate concedimus, ut cum credatur indignum a laude diuina sine uestra culpa cessare, cum generale interdictum terre fuerit, uobis sit licitum, clausis ianuis, excommunicatis et interdictis exclusis, non pulsatis campanis, suppressa uoce celebrare diuina, dummodo nullam causam interdicto dederitis, uel hoc ipsum uobis non fuerit specialiter interdictum. Nulli ergo - - -. Datum Anagnie II. kal. Sept., Pontificatus nostri Anno sexto.
Bulla e rubro et flavo serico pendet. Orig. in Arch. Aerarii Reg. Hung. Acta Eccl. fasc. 25. Nro. 43. - Wenzel 1. c. I. 301. - Extr. Fejér Cod. dipl. III. II. 339. Ast in dato ambo aberrarunt.
332.
1232. 23. Dec. - Gregorius PP. IX. iniungit Jacobo Praenestino Episcopo, legato suo, ut controversiam inter Magistrum Primogenitum Subdiaconum Papalem, quem vacante sede Agriensi maior et sanior pars Capituli in Episcopum elegerat, ac Benedictum Lectorem Strigon., quem excommunicatum et alias ad episcopale onus indignum post electionem praedictam quidam de Capitulo eligere presumpserunt, „cuius electionem surrepto sigillo capituli per quosdam litteris confectis nomine suo per Colocensem Archiepiscopum, loci metropolitanum, obtinuerant perperam confirmari, sicque dictus B. in Varadiensem Ecclesiam per laicalem potentiam se intrudens et administrationi eius se ingerens imprudenter, temere impedivit, ne ab eodem Metropolitano praedictus Magister

---