nisus fueris excusare, et nos tibi plenam audientiam prebuerimus et benignam, tandem comperimus, excusationem tuam minus canonicam extitisse. Verum in die malorum immemores bonorum esse nolentes; cum etiam ex anteacta vita tua didicerimus, quid de te presumere debeamus, benigno intellectu credentes quod non malitiose id feceris, sed simplicitate lapsus potius vel errore, dum verisimile non existit, quod in maturiori constitutus etate, fame prodigus esse debeas et salutis; tecum super hoc - - dispensamus, notam, si quam exinde coritraxisti, - - remittentes. - - Datum Perusii IX. kal, Sept., P. a. 9.
Theiner Mon. Hung. I. 134., Katona Hist. Crit. V. 734., Fejér Cod. dipl. III. II. 450.
370.
1235. 31. Aug. - Gregorius PP. IX. Episcopo Bosnensi et ordinis predicatorum et fratrum Minorum prioribus Strigoniensibus demandat, ne sententias Praenestini Episcopi, in Andream Regem latas, sine speciali mandato suo promulgent. - Datum Perusii II. kal. Sept., P. a. 9.
Theiner Mon. Hung. I. 136., Fejér Cod. dipl. III. II. 451.
371.
1235. 17. Sept. - Gregorius PP. IX. causam Abbatis s. Benedicti de Gron contra Archiepiscopum Strigon. ob spolia commissa ad se deductam, terminari, aut remitti mandat.
Gregorius episcopus seruus seruorum dei. Venerabili fratri ... Episcopo Cenadiensi et Dilectis filijs ... Abbati belli fontis Cisterciensis ordinis, Colocensis diocesis et ... Preposito Baciensi Salutem et apostolicam benedictionem. Cum Venerabilem fratrem nostrum ... Tusculan. Episcopum Venerabili fratri nostro ... Strigon. Archiepiscopo et Jacobo Sindico dilectorum filiorum ... Abbatis et Conuentus Monasterij sancti Benedicti de Grana, Strigon. diocesis, apud sedem apostolicam constitutis, in causa, que inter eos uertitur, dederimus auditorem, coram eo Sindieus proposuit antedictus, quod cum quondam bone memorie J. predecessor ipsius Archiepiscopi Monasterium ipsum quibusdam uillis et pertinencijs, ac iuribus earumdem, in quorum possessione uel quasi Monasterium extiterat, spoliauerit, uel mandauerit spoliari, iamdictus Archiepiscopus ea cum quadam terra, qua ipse de nouo spoliauit, uel spoliari mandauit Monasterium supradictum, uel spoliationem inde factam, ratam habuit, detinet et restituere contradicit. Ad que cum perceptis inde fructibus se idem sindicus
Első
