416.
1239. 29. Nov. - Bela IV. Rex Mathiam episcopum Vaciensem in Archiepiscopum Strigon. confirmari petit.
Venerabili in Christo patri G. - - summo Pontifici, B. - - Rex Hungarie. - Vestram deprecamur Sanctitatem, quatinus intuitu beati Adalberti, sue et vestre Strigoniensi ecclesie consulendo et compaciendo, postulacionem Strigon. Capituli pro venerabili patre M(athia) Waciensi Episcopo, vobis ex communi et concordi consensu Capituli porrectam, sine suspicione alicuius scrupuli benigne admittatis. - - Novit dominus, quod ad hec petenda ista sola precipue nos inducant, quod dictum Episcopum fidelissimum iuvenimus et in omni negocio valde circumspectum et discretum; et preterea cum multis annis Cancellarius noster fuerit, scimus, quod ipse sit vite munde et honeste, et per ipsum et de ipso poteritis ecclesie Strigon., que pre ceteris ecclesiis regni nostri discreto et honesto indiget prelato, honeste ac utiliter providere. Datum anno gracie MCCXXXVIIII. III. kal. Dec., Regni nostri anno quinto.
Theiner Mon. Hung. I. 172. - Fejér Cod. dipl. IV. I. 159.
417.
1239. - Nicolaus Vice Judex Curiae particulam terrae Zampto, per Andream violenter occupatam, Ecclesiae s. Benedicti de Gron adiudicat.
Nos Nicolaus viceiudex aule regie significamus omnibus presentem paginam inspecturis, quod cum super septuaginta uel sexaginta uel paulo pluribus aut eciam paucioribus iugeribus terre, in villa Zampto existentibus, ac fossato antiquo circumdatis, abbas ecclesie Sancti Benedicti de Grana conuenisset coram nobis andream filium Oltumani de Wagkuz, proponendo contra eum tali modo, quod cum ipsa ecclesia dictam terre particulam hereditario iure possedisset et super hoc Priuilegium haberet, ipse andreas eam uiolenter occupasset et occupatam pro sue detineret arbitrio uoluntatis. Ad que dictus andreas respondens, illam eandem terre particulam ad suum ius hereditarium pertinere asserebat. Nos igitur cum ordine iudicij exigente ipsi abbati ad exhibendum suum Priuilegium terminum competentem assignassemus, exhibuit ut debebat. Verum quia in illo Priuilegio mete aut termini illius terre non exprimebantur euidenter, ad maiorem huius rei euidenciam produccionem testium commetaneorum super certificatione metarum seu terminorum eiusdem terre per eundem abbatem censuimus faciendam. Quod cum sepedictus abbas elegantissime fecisset, iuxta nostri iudicij formam et processum quatuor de testibus productis, a parte aduersa

---