aduersa electos, super premissis ad prestandum duximus sacramentum iudicandos. Quo facto ipse andreas pro bono pacis ante receptionem sacramenti memorati multociens dicte terre particulam, ut superius tactum est, infra fossatum iacentem, dimisit ecclesie nominate, iure perpetuo possidendam. Pristaldo huius cause Martino de Damas iuxta fluuium Goron existente. Vt autem huius rei series salua semper consistat et ne ab ullo unquam omnino hominum queat irritari, presentes concessimus litteras in argumentum amplioris fidei Sigilli nostri apposicione communitas. Datum anno gracie Mo. CCo. XXXo VIIIIo.
Sigillum e zona membranacea pendens in scuto ovali arborem, ut videtur, exhibet. Epigraphe: Sigillvm. Nicolai - - reliqua exesa. Originale characteribus minutis eleganter exaratum in Arch. Aerarii Regii Hung. Acta Eccl. Fasc. 24. Nro. 4. - Fejér Cod. dipl. IV. I. 143. - Wenzel 1. c. VII. 82.

---