legationis officio de latere nostro, providimus destinandum. - - De quo utique cum ei adsit puritas conscientie, et presto sit iudicium rationis, malitiam odiat et innocentiam tueatur, speramus firmiter, - - ita regia via curabit incedere, ut - - plus crescet conversationis laude, quam etiam profecerit dignitate. - - Districte precipimus, quatenus ipsum apostolice sedis legatum, tamquam personam nostram, vel potius nos in eo recipientes cum debita reverentia et honore, illius monitis et mandatis plenarie ac humiliter intendere procuretis. - - Datum Asisii III. Non. Maii., P. a. 10.
Theiner Mon. Hung. I. 218., Katona Hist. Crit. VI. 195., Fejér Cod. dipl. IV. II. 184.
529.
1253. 8. Maii. - Innocentius PP. IV. Archiepiscopo Strigon., ut episcopum Quinqueecclesiensem ad persolvendas annue centum marcas argenti pro parte antecessoris sui Bartholomaei, sub poena excommunicationis compellat. - „Volumus itaque, ut vacante sede Strigon., vel absente Archiepiscopo, maior, qui fuerit in Strigon. Ecclesia, mandatum super his Apostolicum exequatur.” Datum Asisii VIII. Id. Maii., P. a. 10.
Theiner Mon. Hung. I. 220., Wenzel 1. c. II. 236.
530.
1253. 11. Maii. - Bela IV. Rex confirmationem postulationis de archiepiscopo Colocensi in Strigoniensem factae, vehementer petit.
Sanctissimo in Christo patri, domino I. - - summo Pontifici, Bela degracia Rex Hungarie. - - Pro admittenda postulacione canonica, consona et concordi, et quasi per inspiracionem, communiter ab omnibus de persona - - B. archiepiscopi Colocensis, aule nostre Cancellarii, in Strigon. metropoli celebrata, una cum ecclesia postulante, tociusque regni clero ac populo, quorum omnium utilitati publice in ipsius translacione salubriter consulitur, affectuosissime nuper supplicantes, non summus - - exauditi, quamquam consilium et assensus domini S. Cardinalis Episcopi Prenestini[538] - - exinde nobis supplicantibus amminiculum, ymo pocius felicem affectum prestitisse debuerint in

---

[538] Stephani nempe Vanchai praedecessoris immediati.