XXVII.
BENEDICTUS II.
1254. 25. Febr. - 1261. post. 2. Jul.
Prima vice a. 1239. occurrit ut Praepositus Budensis et Aula Regiae Vicecancellarius.[545] Bartholomaeus Episcopus Vesprimiensis ob favorem amicitiae specialis quasdam decimas territorii Budensis illi concessit, quas dein a Capitulo Budensi occupatas, Bela IV. a. 1269. Ecclesiae Vesprimiensi restituit.[546] A. 1240. 18. Jun. adhuc Praepositus Budensis et Subcancellarius vocatur.[547] Sed 25. eiusdem mensis iam Cancellarius Regius et Praepositus Albensis nominatur,[548] confirmatus a Gregorio IX. 1241. 25. Febr.[549], qui illum virum appellat „utique litteratum, providum et honestum, per cuius industriam creditur eadem (Albensis) Ecclesia de bono in melius in temporalibus et spiritualibus reformanda.” Qua Praepositus Albensis et Cancellarius litteras quasdam de terra Erd edidit.[550] A. 1241. 17. Jun. Papa illi indulget, ne super Praepositura Albensis ecclesiae et suis iuribus, persecutione Tartarorum in Ungaria durante, auctoritate apostolica, seu ordinaria, in causam trahi valeat.[551] A. 1242. Regem in Dalmatiam secutus iam electus Colocensis, sed una etiam Praepositus Albensis et Cancellarius regius vocatur;[552] male ergo Rogerius, licet coaevus, scribit, populum per Tartaros „reperto sigillo regis penes cancellarium, cuius caput a corpore diro mucrone demerant,” deceptum fuisse[553]; Sigillum quidem in fuga perdere potuit, caput tamen suum salvavit; nec de alio fors Cancellario haec intelligi possunt, cum a. 1240 - 1242. nemo alter praeter Stephanum Vanchai et Benedictum hunc Cancellarii aut Vicecancellarii munere functus fuerit. 1243. 15. Jul. Innocentius IV. Benedictum nostrum a Capitulo Colocensi unanimiter et concorditer electum, „cum ipse - - sit in spiritualibus et temporalibus circumspectus, se deo et hominibus reddendo vite laudabilis et conversationis

---

[545] Fejér Cod. dipl. IV. I. 110., Wenzel I. c. II.93.

[546] Fejér 1. c. IV. III. 497.

[547] Wenzel 1. c. II. 102.

[548] Fejér 1. c. IV. I. 201.

[549] Ib. 215.

[550] Codex Zichy I. 27.

[551] Theiner Mon. Hung. I. 185.

[552] Thomas Archidiac. o. 39.

[553] Carm. mis. c. 31.