546.
1254. 30. Aug. - Bela IV. hospitibus de Dobroniva et Bábaszék inter alias libertates concedit, „ut sacerdotem sibi de communi civium eligant voluntate, cui omnes suas decimas dare debeant ex integro; et idem sacerdos de quinquaginta mansionibus Strigon. Archiepiscopo solvere debeat unam marcam.” Datum III. kal. Sept., Regni a. 19.
Fejér Cod. dipl. IV. D. 229.
547.
1254. 16. Sept. - Magister Smaragdus Praepositus Posoniensis, per Belam Regem super quibusdam negotiis, praecipue pro contrahendo inter neptem Papae et filium Regis Belam matrimonio, legatus ad Papam mittitur. - Datum in Zoulum XVI. kal. Oct.
Theiner Mon. Hung. I. 229., Fejér Cod. dipl. IV. II. 243. - Smaragdus hic eodem anno iam Electus Albensis et Aulae Regiae ViceCancellarius nominatur. Ib. 242.
548.
1254. 2. Oct. - Innocentius PP. IV. indulget, ut nullus Delegatus, Executor, vel Conservator possit in Ecclesiam Strigon. poenas ecclesiasticas absque speciali mandato sacrae sedis promulgare.
Innocentius episcopus, seruus seruorum dei, Venerabilj fratri, ... Archiepiscopo et Dilectis filijs Capitulo Strigoniensi Salutem et apostolicam benedictionem. Apostolice sedis benignitas sincere obsequentium uota fidelium fauore (beniuolo) prosequi consuevit et personas illorum, quos in sua deuotione promptos inuenerit et feruentes, quibusdam (titulis) decencius decorare. Vt igitur ex speciali deuotione, quam ad nos et Romanam Ecclesiam habere noscimini, sentiatis uobis (fauo)rem apostolicum non modicum accreuisse; auctoritate uobis presencium indulgemus, ut nulli Delegatus, (uel) Subdelegatus, Executor, aut etiam conseruator, auctoritate sedis apostolice, uel legatorum ipsius, in uos, uel ecclesiam uestram excommunicationis, suspensionis, uel interdicti sentencias promulgare, aut interdicere uobis ingressum ecclesie (ua)leat, absque speciali mandato sedis eiusdem, faciente plenam et expressam de hac indulgentia mentionem.
Első
