Nulli ergo omnino hominum - - - cet. consuete. Datum Anagnie VI. Nonas Octobris, Pontificatus nostri Anno Duodecimo.
Sig. plumb. e flavo et rubro serico pendet. Orig. exesum et lacerum in Arch. Cap. Strig. priv. Lad. 44. fasc. 1. Nro. 7. - Ed. Cod. Strig. II. 64., Wenzel 1. c. VII. 368.
549.
1254. 2. Oct. - Innocentius PP. IV. Ecclesiam Strigon. in privilegiis, Nro. 548. exhibitis, per Abbates de Pilis et Bakony manuteneri praecipit.
Innocencius Episcopus, seruus seruorum dei, Dibctis filijs, ... de Pelys et de Boccon abbatibus, Cysterciensis ordinis, vesprimiensis dyocesis, salutem et apostolicam benediccionem. Apostolice sedis benignitas sincere obsequencium uota fidelium fauore beniuolo prosequi consueuit, et personas illorum, quos in sua deuocione promptos inuenerit et feruentes, quibusdam titulis decencius decorare. Vt igitur ex speciali deuocione, quam venerabilis frater noster, ... Archiepiscopus et Dilecti filij Capitulum Strigoniense ad nos et Romanam ecclesiam habere noscuntur, senciant sibi fauorem apostolicum non modicum accreuisse; eis per nostras duximus litteras indulgendum, vt nullus delegatus, uel subdelegatus, executor, aut eciam conseruator auctoritate sedis apostolice, uel legatorum ipsius, in eos, uel ecclesiam ipsorum excommunicacionis, suspensionis, vel interdicti sentencias promulgare, aut interdicere ipsis ingressum ecclesie ualeat, absque speciali mandato sedis eiusdem, faciente plenam et expressam de Indulgencia huiusmodi mencionem. Quocirca Discrecioni vestre per apostolica scripta mandamus, Quatenus dictos archiepiscopum, Capitulum et ecclesiam non permitattis super Hijs contra concessionis nostre tenorem ab aliquibus indebite molestare; molestatores Huiusmodi per censuram ecclesiasticam, appellacione postposita, compescendo; non obstante, si aliquibus, quod excommunicari, suspendi, vel interdici, aut conueniri extra certa loca non valeant, a sede apostolica sit indultum, et constitucione de duabus dietis, edita in concilio generali. Datum anagnie VI. Nonas octobris, Pontificatus nostri anno XII.
E transumto a. 1333. in Arch. Cap. Strig. priv. Lad. 44. Fasc. 1. Nro. 8. Tum in litteris Abbatum de Bakony et Pilis sec. 14. In Arch. Primat. eccl. vet. Nr. 13. - Ed. Cod. Strig. I. 37., Wenzel 1. c. VII. 368.
Első
