603.
1259. - Cruciferi Strigon. Nobiles de Muzsla terram in Ebed, a Petro, quondam Praeposito S. Georgii, Capitulo Strigon. donatam, eidem pro una et dimidia marca cessisse testantur.
Nos frater L. magister domus Hospitalis sancti Regis de Strigonio et totus Conuentets eiusdem loci, significamus omnibus, per presentes memorie commendantes, Quod cum in vigilia Sancti Regis secundum iudicium venerabilis patris B. dei gracia archiepiscopi Strigon., Abraam prepositus, Valentinus Cantor, Farcasius sacerdos Sancti Laurentij, Petrus uillicus fabrorum et Lazarus, quondam villicus, debuissent prestare sacramentum in nostra Ecclesia, contra Ambrosium, Jacobum et Zuup de Musla, super eo, quod Petrus, quondam prepositus s. Georgij, adhuc viuens, porcionem terre sue, quam habebat in terra Ebed, contulerit et donauerit pro anime sue remedio Capitulo Strigon., cum omnibus suis pertinencijs. Tandem partes aduerse pro bono pacis, in loco sacramenti, receptis vna marca argenti et dimidia ab eodem Capitulo, predictam terram, secundum quod prefatas P. prepositus ordinauerat, reliquerunt Capitulo antedicto perpetuo possidendam. Datum anno domini Mo CCo. Quinquagesimo nono.
A tergo: rLittere contra Nobiles de Musla super terra magistri Petri in villa Ebed.” - Sig. e violaceo serico pendebat. Orig. valde minutis litteris conscriptum in Arch. Cap. Strig. priv. Lad. 27. Fasc. 2. Nro. 16. - Extr. Fejér 1. c. IV. II. 522. - Ed. Cod. Strig. II. 78.
604.
1260. 1. Maii. - Filii Nicolai de Divék terram suam Csasztó Archiepiscopo Strigon. coram Capitulo Strigon. vendunt.
A B C
Philippus prepositus et Capitulum Strigon. ecclesie, Vniuersis, presentes litteras inspecturis, Salutem in domino. Ad uniuersorum noticiam uolumus peruenire, quod nobiles uiri Ratoldus, Boyn et Nicolaus, filij Micou de Dyuek, in nostra praesencia personaliter constituti, confessi sunt publice coram nobis, se quandam terram suam, Chaztuh uulgariter nominatam, sitam prope Monasterium sancti Benedicti de Grana, inter terras venerabilis patris et domini nostri B. dei gracia Archiepiscopi Strigon., Aule Regie Cancellarij, quam ipsi nobiles a Stephano de Endred, empcionis titulo comparauerant, predicto venerabilj patri Archiepiscopo nostro totaliter, cum omnibus suis utilitatibus et pertinencijs, pro nouem marcis argenti ponderati vendidisse
Első
