ad preces Philippi et fratris sui Thomae, Comitis iam de Crocou, denuo confirmat.[597]
1251. Innocentius IV. ad preces Philippi, Ecclesiam Zagrabiensem in possessione montis Graecii, qui partem nunc Civitatis Zagrab. constituit, a Bela IV. pro munitione eidem Ecclesiae a. 1247.[598] concessi, confirmat.[599]
A. 1254. Bela rex „occasione discordie inter eum et Regem Boemie exorte” per fratrem Velascum, quem in negotio hoc a Papa legatum missum fuisse supra vidimus, citatus, Philippum nostrum et fratrem Ecce Ordinis Minorum, Romam destinavit, qui in termino praescripto, 24. nempe Jun., coram Papa comparentes, conditiones pacis proposuerunt. Quare Papa 13. Jul. legatum suum, in Hungariam destinatum, revocat.[600] Philippus occasione hac specialem Papae favorem est expertus; nam 18. Jul. illi indulsit, ut intra unius anni defluxum ad nullius citationem coram sede apostolica comparere teneatur.[601] Inde paulopost redux, terram Waska pro Ecclesia Zagrabiensi pretio comparat, quod Bela rex 2. Oct. ratihabet.[602] E Nro. 711. discimus, Philippum multis insuper vicibus legationes pro parte Regis peregisse, propriis passim stipendiis militando.
A. 1255. Bela rex ad preces Philippi villae s. Martini prope Waska privilegia quaedam confert,[603] villamque hanc ei contra Paulum, filium Borich Bani, adiudicat.[604] Eodem anno Philippus ob negatas decimas, incolas villae Petrinia excommunicat et cum eas dedissent, absolvit, sub dato „in nova villa nostra apud s. Clementem in Gorra.”[605]
A. 1258. Ecclesiam Zagrabiensem, „que in loco minus apto constructa ruinam minabatur”, in loco magis apto construere intendens, precibus eatenus se ad Papam convertit, qui 29. Maii „construendi prefatam ecclesiam in loco magis idoneo et accomodo”, liberam ei concessit facultatem.[606]
A. 1259. Litem quamdam inter filios Cleti Comitis et Julam de genere Kata componit.[607]
Eodem anno Capitulum Zagrab., Cucmano et filiis cuiusdam Petri, coram Philippo nostro beneficium restitutionis postulantibus, pro Casna inferiori ab

---

[597] Wenzel ib. 310.

[598] Fejér Cod. dipl. IV. I. 472.

[599] Tkalcic Mon. Ep. Zagrab. I. 93.

[600] Theiner 1. c. I. 228.

[601] Ib. 229.

[602] Fejér Cod. dipl. IV. II. 224., Tkalcic 1. c. 101.

[603] Fejér ib. 294., Tkalcic 1. c. 103.

[604] Kercselich Hist. Eccl. Zagr. 86., Fejér Cod. dipl. IV. II. 494. ad a. 1259. ponit.

[605] Kercselich ib., Tkalcic 1. c. 105.

[606] Theiner 1. c. I. 236.

[607] Fejér Cod. dipl. IV. II. 519.