uolumus, quod predicti fratres ydoneam et honestam personam ex ipsis preficiant, uel assignent ad procuracionem, seu regimen possessionis antedicte. Predictis eciam seruis dedimus et reliquimus ibidem nouem iugera terre fimate, in uno loco existencia, et uolumus, quod ijdem serui et eorum heredes seu successores magistro uel Rectori dicte possessionis, qui ad vindempniandum illuc accesserit, uiginti cubulos farine de frumento bono et totidem cubulos de Annona, cum cubulo Symigiensi, annuatim soluere teantur (sic). Vt autem hec nostra collacio seu legacio robur optineat perpetue firmitatis, presentes concessimus litteras, sigilli nostri munimine roboratas. Anno domini Millesimo Ducentesimo Sexagesimo quarto. Octauo kalendas Junij.
Sig. e violaceo serico pendebat. Orig. in Arch. Cap. Strig. priv. Lad. 67. Fasc. 1. Nro. 2. - Ed. Cod. Strig. II. 87., Wenzel 1. c. VIII. 104.
656.
1264. 25. Maii. - Zozimas Episcopus Varadiensis in recompensationem beneficiorum terram Berey, Comitatus Sümegiensis, cum duobus servis ac patre eorum fugitivo, Capitulo Strigon. confert.
Zozimas, miseracione diuina Episcopus Waradiensis, Vniuersis xpi. fidelibus, presentes litteras inspecturis, salutem in domino. Secundum utriusque iuris, scilicet Canonici et Ciuilis. sancciones, in officio caritatis primo loco illis tenemur obnoxij (sic), a quibus beneficium nos cognoscimus recepisse et donatarius donatori naturaliter est obligatus ad antidota. Hac igitur consideracione ducti, cum uos a sancta Strigoniensi Ecclesia a primo nostre iuuentutis tempore, tam in nostra, quam eciam ad uos pertinencium personis, tum succesiue, tum continus plurima recepisse bona recognoscamus; in susceptorum recompensacionem beneficiorum, quamuis ex condigno non sufficientem, terram nostram, nomine Berey, empticiam, sitam in Comitatu Symigiensi, cum uineis nostris, siluis, fenetis, Curia, Domibus, Cellario et omnibus utilitatibus ac pertinencijs suis, Item duos seruos, filios Zumboth, serui nostri Hereditarij, qui aufugijt, Paulam scilicet et fratrem eius, ac ipsum Zumboth, patrem eorum, si in fuga positum reinuenire poterint, Capitulo Sancte Strigoniensis Ecclesie inter uiuos perpetuo donauimus, contulimus, tradidimus et assignauimus, ac predicte possessionis, uinearum, siluaram, fenetorum, Curie, Domorum, Cellarij et omnium utilitatum ac pertinencium suarum, necnon seruorum predictorum Dominium in predictum Capitulum pleno, quo nos habebamus et possidebamus, iure transtulimus, penes nos dumtaxat quoad uiuimus, retento predictorum omnium usufructu. Hoc eciam adicimus, quod postquam nos deo