pecunie - - ipsis imposite dicto episcopo solvere - - inceperunt. Postmodum vero, pro quodam alio episcopo de regno Sicilie super provisione, videlicet sibi ab ecclesiis et monasteriis Ungarie facienda, nostras - - litteras ad certum executorem dicimur destinasse, qui - ordinavit, ut eidem episcopo in centum et quinquaginta libris Turonensibus deberet a monasteriis dicte provincie annuatim usque ad triennium provideri.[629] Tuque, cui dictus executor asseritur commisisse, ut provisionem huiusmodi dicto episcopo - - assignares, eam sibi fieri in eadem provincia mandavisti, quamquam prelati et clerici eiusdem provincie - - recusaverint ipsam eidem episcopo assignare. Cum itaque intentionis nostre non fuerit, ut in predicta provincia, in qua eodem Bisaniensi (sic) episcopo - - exhibetur provisio - - , deberet alii episcopo dicti regni in provisione consimili provideri; - - - mandamus, quatenus - - in negotio provisionis eiusdem episcopi in dicta provincia - - ulterius non procedas. - - Datum apud Urbem veterem IV. Non. Sept, P. a. 3.
Theiner Mon. Hung. I. 278., Wenzel 1. c. III. 105.
669.
1264. a; 14. Oct. - Bela IV. Rex monasterium s. Leustachii de Csuth, a se fundatum, pluribus possessionibus dotat.
Bela dei gracia Hungarie, Dalmacie, Croacie, Rame, Seruie, Gallicie, Lodomerie, Comanie, Bulgarieque Rex, Omnibus, preaens scriptum inspecturis, Salutem in eo, qui est salus omnium. quoniam sumpma racio est, que per Religionem summopere vigilare habet,[630] Regali munificencia religiosis domibus manus munificas debet aperire, quia non dubium est, centena recipere stipendia pro impensis, cum Rex eternus tempus acceperit et vnicuique iuxta sua merita digna commercia inceperit erogare. Ad vniuersorum igitur noticiam harum serie volumus peruenire, Quod nos pia ducti deuocione erga Monasterium beati leustachij de Chwth, cuius fundatores extitimus, et patroni, Has possessiones pro remedio anime nostre eidem Monasterio contulimus, videlicet: terram Chwth, et terram kukula, iuxta eandem existentem, condam Monasterij de Serephel, receptam pro competenti concambio ab eodem, sub eisdem metis et terminis, in quibus idem Monasterium de Serephel dinoscitur possedisse. Hospitibus, super eadem terra Chwth residentibus, talem concedentes libertatem: vt ijdem hospites villicum inter se, quem voluerint, de

[629] Verba haec clare indicant, Nrum. hic 641. intelligi.

[630] Hic transumtor textum mutilavit.