equanimiter proposuerunt, quod Syrlyz antedictus medietatem terre sue et palacij magni, existentis retro ordinem camerarum Rubyni comitis, ex parte orientali, videlicet inter vicum exteriorem, per quem itur ad forum retro cameras antedictas et inter terram Arrucyni comitis ab oriente, cuius medietatem, que est ab anteriori parte uersus vicum memoratum, pridem cum eadem domina filia sua, cum eam nuptui tradidit, donauerat, modo illam medietatem terre residuam, ut supradictum est, cum edificijs, que in porcione Syrlyz, tradita filia a parte posteriori uersus terram Arrucyni comitis remanserant, vendidit eidem domine filie sue pro quinquaginta marcis payment (sic) - -. Datum - - mense Julio.
Codex Dipl. Com. Zichy I. 13.
685.
1265. 9. Sept. - Bela IV. Rex testatur, quondam Martinum Banum fundato a se Monasterio de Ságh inter alia contulisse „et partem suam, ipsum in insula Tobold contingentem, quae aliorum partibus, scilicet Stephani comitis et Abbatissarum Strigoniensium maioris Ecclesiae dictae quantitatis.” - Datum in Gurgeu V. Id. Sept.
Procul dubio erronee descriptum. Fejér Cod. dipl. IV. III. 282.
686.
1265., 12. Oct. - Zozimas Episcopus Varadiensis, beneficia accepta repensurus, Capitulo Strigon. terram Berei, usu vinearum reservato, donat et statuit.
Zozymas, dei gracia Episcopus Waradiensis, omnibus xpi. fidelibus, presentes litteras inspecturis, Salutem in domino sempiternam. Cum nichil habentes ingressi simus in mundum, et relictis omnibus regredi debeamus; sacre scripture eloquio salubriter ammonemur,[633] Vt temporalia, que in vite presentis subsidium et per caritatis studium ad promerendum eterne retribucionis premium a domino recepisse cognoscimur, in pios vsus, dum viuimus, eternorum intuitu dispensemus. Hac igitur consideracione ammoniti, hac inducti racione, requisito et habito beneplacito et consensu domini nostri, Illustris Bele Regis Hungarie, terram nostram, Berey uocatam, in comitatu Symigiensi, tam hereditariam, quam empticiam, cum Vineis, Siluis, fenetis, Curia, domibus, Cellario

[633] In transumto Belae Regis: ammonentur.