Cellario et omnibus Vtilitatibus, pertinencijs et attinencijs suis; Item duos seruos, filios Zomboth,[634] serui nostri hereditarij, qui aufugijt, Paulum scilicet et fratrem eius, ac ipsum Zomboth, patrem eorum, nunc in fuga constitutum, Capitulo sancte Strigon. ecclesie, a quo prosperitatis et aduersitatis tempore nos et ad nos pertinentes grata et oportuna subsidia meminimus recepisse, contulimus, dedimus, donauimus et assignauimus inter viuos; vino dumtaxat predictarum Vinearum, deductis exinde expensis, in ipsis vineis factis, per ipsum Capitulum nobis annuis vicibus, dum vixerimus, Strigonij assignando.[635] In cuius terre hereditarie et empticie, vinearum, Sylue, feneti, Curie, domorum, ac cellarij predictorum corporalem possessionem Wytkam[636] decanum, canonicum Strigon., vice ac nomine ipsius Capituli introduximus, in presencia Elie decani, fratris Hospitalis sancti Regis de Strigonio, ad nostram requisicionem a magistro et Conuentu dicti hospitalis sancti Regis dati nobis ad hoc specialiler pro testimonio et concessi. In cuius donacionis, collacionis et assignacionis nostre de terra, vineis, Siluis, fenetis, Curia, domibus, ac Cellario, cum vtilitatibus et pertinencijs, Strigon. Capitulo prefato modo facte, memoriam, testimonium et robur, presentes nostras patentes litteras concessimus et eis Sygillum nostrum autenticum apponi fecimus et appendi. Datum anno domini Millesimo CCo. LXo. Quinto, Quarto Idus Octobris.
A tergo: Super donacione Zoumi (sic) episcopi varadiensis. - Sigillum e viridi et flavo serico pendebat. Orig. in Arch. Cap. Strig. priv. Lad. 67. Fasc. 1. Nro. 4. - Edidit Fejér 1. c. IV. III. pag. 263.
687.
1265. 13. Oct. - Bela IV. Rex magistrum Demetrium, archidiaconum Borsiensem, (Canonicum Strigon.) nurus suae, ducissae Cancellarium, et fratrem Paulum, ordinis Minorum, confessarium suum, super suis et Regni sui negotiis et specialiter pro facto ecclesiae Zagrabiensis, ad Clementem PP. IV. misit. - Datum in Visegrad III. Id. Oct, A. d. 1265.
Theiner Mon. Hung. I. 281., qui Demetrium hunc erronee Boisiensem archidiaconum scribit. Vide Nrum. 694. - Fejér Cod. dipl. IV. III. 266.
[634] Ib. Zumboth.
[635] Vide Nros. 655. et 656.
[636] Ib. Vitkam.