688.
1265. 17. Oct. - Bela IV. Rex transumit et confirmat Nrum. 686.
Bela, dei gracia Hungarie, Dalmacie, Crowacie, Rame, Seruie, Gallicie, Lodomerie, Cumanieque Rex, omnibus xpi. fidelibus, presentes litteras inspecturis, salutem in domino sempiternam. Iusta petencium desideria benigno fauore prosequimur, quibus non solum obtinendi petita fiduciam tribuimus, sed eciam ut obtenta perpetuo valeant et consistant, auctoritatis Regie presidio solidamus. Proinde ad vniuersorum, tam presencium, quam futurorum, noticiam presentibus volumus peruenire, quod Venerabilis pater Zozimas, dei gracia Waradiensis Episcopus, dilectus ac fidelis noster, nobis humiliter supplicauit, quod donacionem, collacionem, assignacionem et tradicionem terrre sue, in Comitatu Symigiensi, tam hereditarie, quam empticie, vinearum, Seruorum, Siluarum, fenetorum, Curie, Domorum, ac Cellarij, cum omnibus vtilitatibus, pertinencijs et adiacencijs, facte ab eo inter vivos Strigon. ecelesie Capitulo, secundum tenorem suarum litterarum, super ipsa donacione facta confectarum, quas cum suo autentico sigillo pendenti vidimus et perspeximus, gratam et ratam haberemus et ei confirmacione nostra preberemus robur, perpetuo valiturum. Tenor autem litterarum prefati venerabilis patris, Episcopi Waradiensis, nobis exhibitarum, donacionis facte seriem continencium, talis fuit. Sequitur Nrus. 686.
Nos itaque sepefati venerabilis patris, Episcopi Waradiensis precibus, equitate et pietate plenis, inclinati, quod ab eo factum est, idest donacionem, collacionem, assignacionem et tradicionem, sancte Strigon. ecclesie Capitulo per ipsum prefato modo factam, terre hereditarie, siue empticie, vinearum, siluarum fenetorum, Curie, domorum, Cellarij, Seruorum et omnium superius comprehensorum, approbamus et presentibus nostris litteris ex certa sciencia confirmamus; supplentes defectum, si quis in ipsa donacione esset, de nostre plenitudine potestatis. Datum anno domini Millesimo CCo. LXo. Quinto. XVI. kalendas Nouembris. Regni autem nostri anno Tricesimo.
Sig. e flavo et viridi serico pendebat. Orig. nitidissima manu pulchris initialibus exornatum in Arch. Cap. Strig. priv. Lad. 67. Fasc. 1. Nro. 5., Ed, Fejér 1. e. IV. III. 263.
689.
1265. 12. Nov. - Bela IV. Rex testatur, „quod cum fideles nostri Abram praepositus, Valentinus Cantor, Magister Gregorius et Wytka Decanus, Canonici de Capitulo Strigoniensis Ecclesiae, pro ipso Capitulo Strigon. contre