et peticionem prefatorum Illustrium Regum Ungarie, presenti carte sigillum nostrum autenticum apponi fecimus et appendi.”
Theiner Mon. Hung. I. 285. 287., Wenzel 1. c. III. 128.
696.
1266. 27. April. - Bela IV. Rex Demetrium, Archidiaconum Strigon., oratorem ad Papam denuo mittit.
- - Supremo Pontifici, B. - - Rex Ungarie. - - Si miramur, vestra non debet admirari beatitudo, super admonicionibus, diversis ad nos directis temporibus, - - quod - sanctitas vestra - -, ut credimus, nullatenus fecisset, nisi assidua obloquencium suggestio - - aures vestras nequiter perturbasset: ecce igitur - - magistrum Demetrium, archidiaconum de Strigonio, karissime nurus nostre Cancellarium, super ipsis et aliis agendis nostris, ad vestram direximus sanctitatem, beatitudini vestre per eundem nostras peticiones humiliter porrigentes. - - Datum in Erchy V. kal. Maii, a. d. 1266.
Theiner Mon. Hung. I. 282., Fejér Cod. dipl. IV. III. 341.
697.
1266. 9. Maii. - Bela IV. magistro Sixto, Archidiacono Comaromiensi, ob eximia merita terram Hetény confert et collationem terrae Reginalis, similiter Hetény, eidem factam, rati habet, ac metis distinguit.
(B)Ela, dei gracia Hungarie, Dalmacie, Crowacie, Rame, Seruie, Gallicie, Lodomerie, Cumanieque Rex, Omnibus, tam presentibus, quam futuris, presentes litteras inspecturis, Salutem in salutis largitore. Ad vniuersorum noticiam harum serie volumus peruenire, Quod cum discretus vir, magister Sixtus, Archidiaconus de kamarun, Geuriensis dyocesis, dilectus et fidelis clericus noster, missus per nos ad curiam Romanam, ibidem pro Regie dignitatis honore et bono statu Regni nostri, spretis capitalibus Inimicicijs aduersariorum et Emulorum nostrorum, aeris Intemperie et alijs Incomodis innumerabilibus, per multos annos subeundo Jurgiorum laboriosum certamen, defendisset nos et Iura Corone nostre fideliter et prudenter, alia quoque plurima nostra et Regni nostri negocia