negocia, sibi in prefata Curia, diuersis temporibus ad promouendum commissa, laudabiliter et vtiliter procurando, nos hac conderacione permoti, licet sibi pro huiusmodi grauissimis laboribus et ingentibus meritis debuissemus in maioribus, et alcioribus remuneracionum stipendijs respondere; ad presens tamen quasdam terras nostras, nomine Heten, terre hereditarie eiusdem magistri Sixti ibidem pro indiuiso ammixitas, Quas quidem terras nostras agasones et precones nostri et Castrenses de kamarun et de Bana et homines Reginales inhabitabant, dicto magistro Sixto contulimus et conferimus, ab eo irreuocabiliter perpetuo possidendas. Ita, vt idem magister memoratas terras Heten, tamquam verus dominus ex nostra effectus donacione, possideat perhempnaliter pleno Jure, et vendendi et donandi inter viuos, vel in morte relinquendi, cuicunque voluerit, liberam semper habeat facultatem. In quarum terrarum corporalem possessionem eundem magistrum Sixtum discretus vir, Abraham, prepositus sancti Georgij de Strigonio, fidelis noster, de nostro mandato speciali, sub testimonio Strigoniensis Capituli, quibus eciam super hoc nostras litteras miseramus, Donk Comite filio pauli; Gurgus, ac Johanne, officialibus Archiepiscopi Strigon.; et dictis agasonibus de Heten, videlicet Jobanne et Michaele clerico, filio Reuka; Item Buz et alijs; Guene Comite; et Poncoz, Jobagionibus agasonum; Castrensibus eciam predictis et nominatim: Morodek et Itemerio; et Jobagionibus dicti Castri, scilicet Symone et Symuna, fratre suo de Kezeu; hominibus eciam Reginalibus, scilicet Gallo, Chama et Fabiano, ac Ipsorum Jobagionibus, videlicet Phyca byloco et Bana, de villa Macha; Necnon et preconibus ipsis, ac alijs vicinis et commetaneis et generaliter omnibus, quorum intererat, vocatis et presentibus, pacifice, nullis contradicentibus, introduxit. Et quia idem magister Sixtus in dicta villa Heten terram hereditariam habere dinosscitur, quam ante tempus presentis donacionis nostre cum predictis hominibus nostris pro indiuiso et mixtim, vt premisimus, possidebat; vt tamen inter terram suam hereditariam et illas, quas sibi donauimus, Distinccio habeatur; dictam terram suam a terris predictorum hominum nostrorum et Reginalium, de voluntate eiusdem domine Regine, karissime consortis nostre, que similiter eandem terram suam magistro contulit antedicto, per predictum pristaldum nostrum metis, per medium tocius terre Heten in longum erectis, fecimus ante omnia separari. Et sic pars ipsius terre meridionalis, In qua Ecclesia In honore sancte Marie virginis est fundata, cum area, siue fundo et domibus ipsius Magistri, per arbitrium et ordinacionem pristaldi nostri, et commetaneorum et uicinorum ipsius terre, de quibus superius est expressum, In partem predicti magistri Sixti, racione terre sue patrimonialis, assignata extitit, pleno Jure. Reliqua vero pars dicte terre, scilicet septemtrionalis, sibi cessit titulo donacionis, quam in presenciarum nos et predicta