Archiepiscopus, ad regimen sancte Strigon. Ecclesie propter suorum prerogatiuam meritorum Diuina clemencia sublimatus, dum inimico homine superseminante zizania, inter nos ex una parte, et dominum Regem Stephanum, karissimum filium nostrum, ex altera, essent hincinde diuersis temporibus guerre, discordie, ac intestina prelia suscitata, pro Corone nostre statu sereno et Regni nostri integritate, ac felicitate seruandis, se mediatorem, ymo quasi Scutum et murum interposuit, et sic post multos labores et angustias, inter nos et predictum karissimum filium nostrum pacis ordinans federa, nos et Regnum nostrum ad statum quietis et tranquillitatis, amputato mutue cedis exicio, reducere studuit frequencius pro viribus et pro posse, exponens se propter hoc grauibus sumptibus, periculis et pressuris. Et ut cuncta breuiter perstingamus, ipsi et tota eorum generacio, adeo omnibus retroactis temporibus usque ad presens fideles et deuoti Corone Regie exstiterunt, quo eis circa nos quasi naturaliter inserta ipsa fidelitas presumatur.” His omnibus permotus, Thomae Comiti „terram Praudaviz, in Ducatu Sclauonie iuxta Drauam existentem et a Comitatu Symigiensi a tempore, cuius non exstat memoria, exceptam penitus et exemptam” confert. - Datum in Zolum, in octauis B. Margarethe XIII. kal. Aug.
Magyar Sion. III. 359., Wenzel 1. c. VIII. 162.
712.
1267. 26. Nov. - Bela IV. Rex Magistro Sixto, Scholastico Strigon. et per eum suis e sorore nepotibus, terram Rodovan confert.
Bela, - - nos attendentes merita et seruicia, que (nobis Magister Sixtus) Scolasticus Strigon., dilectus et fidelis clericus noster, in Regno nostro et in Romana Curia per multos annos subeundo ibidem pro honore Corone nostre iurgiorum laboriosum certamen, deuote et fideliter inpendit, exponendo se periculis et fortune, - - eidem totam terram nostram, nomine Rodowan, in Comitatu Camariensi iuxta Danubium existentem, et nominatim ac specialiter porciones eiusdem terre, que agasones et bacciferos nostros, ibidem commorantes, contingebant, cum insula et piscacionibus in Danubio, agriculturis, ac alijs utilitatibus et pertinencijs suis, cum plenitudine gracie nostre contulimus, - - ab eo et suis nepotibus, ex sorore filijs, videlicet Laurencij de Heten, iure perpetuo et irreuocabiliter possidendam. In cuius terre - - corporalem possessionem eundem Magistrum per fratrem Petrum, magistrum Domus Hospitalis Sancti Regis de Strigonio

---