Strigonio, - - iussimus introduci, qui ipsum - - induxit in possessionem dicte terre. - Datum VI. kal. Dec.
Wenzel 1. c. VIII. 166., Extr. Fejér IV. III. 430.
713.
1267. 9. Dec. - Laurencius Palatinus, iubente Rege, Jobagiones equites monasterii Tihany, duodecim exceptis, in condicionarios populos redigit.
Laurencius Palatinus et Comes Symigiensis, vniuersis xpi. fidelibus, presencium noticiam habituris, Salutem in domino sempiternam. Ad vniuersitatis vestre noticiam tenore presencium cupimus peruenire, quod cum dominus noster rex, percepta et considerata magna et invtili multitudine Jobagionum equitum Monasterij sui de Tykon, de quorum vniuersitate Idem Monasterium paruam, seu nullam vtilitatem reportabat; aduocatis ad presenciam suam tam abbate et Conuentu, quam vniuersis Jobagionibus predictis, nobis sue viue uocis oraculo precepisset, vt redactis omnibus eisdem Jobagionibus in condicionarios populos, quosdam paucos ex ipsis exceptos, numeri scilicet duodecim,[644] Jobagionatu et Officio equestri secundum morem antiquum relinquere deberemus; et hanc excepcionem excipiendorum et relinquendorum Jobagionum faciendam abbati et Conuentui predictis commisisset; sic tamen, quod nos eisdem exceptis Jobagionibus, nostris super sua libertate litteras concedamus. ijdem Abbas et Conuentus per suas nobis litteras significarunt, Quod fideles ipsorum, Petrum Comitem et Pokam, fratrem eius, filios Guze Comitis, qui Monasterio suo multiplicia et fidelia seruicia semper exhibuerunt, ad permanendum in Officio Jobagionatus equestris, prout superius memorauimus, elegerunt; vnde pecierunt a nobis abbas et Conuentus sepedicti, quod eisdem petro Comiti et Pouka super sua libertate nostras litteras concedamus. Nos itaque eorumdem abbatis et Conuentus precibus annuentes, ipsos petrum Comitem et Poukam in Jobagionatu et Officio equestri permanere, atque eisdem abbati et Conuentui, dominis suis, tali obsequio fideliter deseruire, auctoritate regia decreuimus; hanc nostram ordinacionem tenore presencium litterarum, quas nostro sigillo communiuimus, confirmantes. Datum albe anno domini Millesimo CCmo LXo septimo, quinto Idus decembris.
E transumto Stephani Palatini a. 1389. Orig. in Arch. Prim. Sec. Lad. U. Fasc. 8. Nro. 170. - Edidit Fejér 1. e. IV. III. pag. 418.

[644] Emansit: in