siquidem litteris conuentus domus hospitalis Iherosolimitani de alba, super donacione cuiusdam terree, Teu1 vocate, habitatore et cultura destitute ac deserte, Quinqueecclesiensis Dyochesys existentis, per nobiles viros Kencz, Seletuk et Nycolaum, filios Selee, Paulum filium Johannis, Lorandum et Reunaldum, ffilios Reunaldij, Ladislaum, Detricum et Heym, ffilios Odun de kecscel, de terra ipsorum hereditaria exempte et distincte certis metis et terminis, Paulo et agustino fratribus, ac eorum successoribus irreuocabiliter collate, confectis, in qua dicti fratres proprijs laboribus et expensis, necnon xpi. fidelium elemosinis, pie et deuote expendendo, in honore beati Hemirici Monassterium fundauerunt et construxerunt, et alias possessiones, videlicet vyneas, terras, siluas et ffeneta in diuersis Comitatibus eidem Monasterio recuperauerunt, utpote viri sancti et deo deuoti. Columbanus, Episcopus Traguriensis, noster frater in xpo. deuotas, humili et instanti prece suplicando postulauit, ut ipsam donacionem simul cum Monasterio antedicto et suis possessionibus, necnon Paulo et Augustino ffratribus, ac eorum successoribus pro tempore constitutis, ad instituta ordinis beati Augustini subiugaremus, auctoritate confirmantes apostolica. Nos itaque ratam et commendabilem habentes tenorem litterarum premissarum super donacione pretaxata, per nobiles viros antedictos data et assignata, conffectarum, peticioni et suplicacioni Columbani Episcopi prefati incliti, donacionem sepefatam simul cum Monasterio in eadem ffundato et reliquis possessionibus, in quolibet Comitatu existentibus, necnon Paulo et Agustino ffundatoribus iam sepius repetitis, ac eorum successoribus, fratribus ad instituta ordinis beati agustini subiugauimus et auctoritate apostolica conffirmamus, et presentis scripti patrocinio communiuimus, tali constitucione interposita, quod iustas decimas tam in vino, quam in ffrugibus, ac alijs decimacionibus de fratribus sepedictis, ac ipsorum iobagionibus et nobilium supradictorum, ac ab eisdem provenientes, ffratres monasterij sepius recitati ad suum vsum exigere teneantur. Item ffunera, per omicidia (sic) facta, libere sepeliant, ius, quod ab hijs dependet, nullo contradicente repetentes. Item decreuimus, quod fratres Monasterij pluries repetiti, prepositum habeant, tali condicione, quod si non ipsius voluntati placuerit, perseueret (sic) in eodem, similiter et eandem ffratres eiusdem Habeant condicionem. Item exemptos Habuimus omnino a iudicio Episcopi et archiepiscopi parochyalis, ad conventum autem archiepiscopi ire tenentur. Nulli ergo omnino Hominum liceat Hanch (sic) paginam nostre conffirmacionis infringere, uel ei aussu temerario contraire, Si quis autem Hoc attemptare presumpsserit, indignacionem omnipotentis dei et Beatorum petri et Pauli apostolorum eius se nouerint incurssurum. Datum viccinhnij (sic) VI. kal. Marci, pontifficatus nostri anno quarto.
E trans. Lodomerii Archiepiscopi Strigon, a. 1294.; - In Arch, Primat. eccl. vet. Nr. 17. - Fejér Cod. dipl. VI. I. 322.