718.
1268. 24. Sept. Clemens PP. IV. statutum regnicolarum circa decimas reprobat, Regesque a praestito eatenus iuramento dispensat.
Clemens, - - archiepiscopis et episcopis et - - ceteris prelatis regni Vngarie. - - Id, quod, sicut ad nostrum pervenit auditum, barones et alii nobiles dicti regni, divine legis institucionem pervertere non verentes, in preiudicium libertatis ecclesiastice duxerant statuendum, videlicet, ut decime non solverentur ecelesiis iuxta morem et ipsius regni consuetudinem, pacifice diutius observatam, Et - - Bela et Stephanus, Vngarie reges illustres, auctoritate regia confirmarant, corporali prestito iuramento, quod illud observarent et facerent a suis subditis obseruari, omnino irritum et inane decernimus, dictum iuramentum temerarium reputantes et ipsos reges decernentes ad observationem ipsius aliquatenus non teneri. Quo circa - - vobis - - mandamus, quatenus - - latas, seu ferendas propter hoc a nobis communiter vel divisim excommunicacionis vel interdicti - - sententias, inviolabiliter observetis. - - Decimas nichilominus eisdem ecclesiis, iuxta morem et consuetudinem patrie debitas, ab ipsarum ecclesiarum parochianis exigere nullatenus obmittentes, non obstante aliquo statuto contrario, a laicis super hoc edito, litteris regum regni Vngarie, ac regum eorumdem iuratorum prestacione vallato. - - - Datum Viterbii VHI. kal. Octobris., P. a. 4.
Tkalcic Mon. Zagr. I. 143., qui tamen litteras has erronee a. 1269. exaratas asserit; Clemens IV. enim iam 1268. 29. Nov. mortuus egit, - Bulla haec de comitiis hucdum ignotis testatur.
719.
1268. post 24. Sept. - Archi et episcopi Hungariae litteras Clementis PP. IV., Nro718. exhibitas, se recepisse testantur.
Nos Philippus, dei gracia Strigoniensis, Stephanus colocensis archiepiscopi, Lampertus agriensis, Paulus vesprimiensis, Philippus vaciensis, Lodomerius waradiensis episcopi, significamus, quibus expedit, omnibus presencium per tenorem, Nos et omnes episcopos regni Vngarie recepisse litteras apostolicas sub hac forma. - - sequitur Nrus. 718.
Tkalcic Mon. Zagr. I. 143. - Praelati, probabilius Strigonii, ideo convenerint, ut de modo executionis litterarum papalium consultarent.

---