alius Tributum exigeret, Concederemus et Sibi licenciam daremus, vt si posset, ipsum tributum, quod in sua villa exigitur, emeret ab ipso eodem milite, vt sic ipsa villa Vduord, adiecto Tributo, integraliter esset sua. Petita itaque et optenta a nobis licencia emendi, postmodum prefatus archiepiscopus et Sebret miles antedictus ad nostram accedentes presenciam, sepefatus Sebret confessus est, Tributum Vduord, quod ex nostra largicione habuit, tenuit et possedit, uendidisse venerabili patri, Strigon. archiepiscopo, archiepiscopatus nomine ementi, pro centum marcis fini argenti, quas centum marcas dixit predictum archiepiscopum ad plenum Sibi soluisse et se habere, supplicans, quod nos firmum et ratum haberemus, quod ex sua licencia factum fuerat per eundem. Nos itaque de incremento status Strigon. ecclesie gaudentes et eam magnificare semper desiderantes, utpote nostre specialis patrone, et uendicionem et gratificacionem domine Regine, Strigon. archiepiscopo et archiepiscopatui factam de terra Vduord, et uendicionem Tributi, per Sebret factam de nostra licencia, ratas et firmas habentes, quod pluris, vel villa, vel tributum valeret, quam empta vel emptum est, ex munificencia regia archiepiscopo et archiepiscopatui pro remedio anime nostre, precibus et meritis beati adalberti, ut speramus, optinendo et habendo, ex certa sciencia donamus, conferimus et assignamus, In uendicionis tam ville, quam Tribuli, gratificacionis domine Regine, nostre ratificacionis, confirmacionis et supererogacionis memoriam et robur perpetuum, presentes nostras litteras in priuilegium ipsi archiepiscopo et archiepiscopatui concedentes, dupplicis sigilli nostri munimine roboratas. Datum per manus magistrij Demetrij, albensis ecclesie Electi, aule nostre vicecancellarij, dilecti et fidelis nostri. Anno domini Millesimo Ducentesimo Sexagesimo octauo, Regni autem nostri anno Tricesimo tercio.[648]
Sigillum e rubro et viridi serico pendebat. Orig. lacerum integre amplius legi non potest, defectum e trans. Ludovici Magni de a. 1382. supplevimus. In Arch. Prim. Sec. Lad. M. Fasc. 1. Nro. 6. et 19. Edidit Fejér Cod. dipl. IV. III. pag. 438. - Diploma hoc iam a. 1362. defectuosum fuisse, Ludovicus Magnus Rex ita testatur: „quia idem privilegium tum propter diuturnitatem temporis, tum etiam propter minus bene conservantis incuriam, in charta quodammodo vetustum et laniatum, sed in sigillo saluum et integrum et bene conservatum foret.” Fejér ib. IX. V. 563.
721.
1268. a. 14. Oct. - Bela IV. venditionem Castri Comaromiensis, a filiis Judaei Henel pro debito 800 marcarum Mariae Reginae cessi, Valtero Comiti pro eadem summa argenti factam, ratihabet et pertinentias Castri metis distinguit, eidemque Comiti una Civitatem etiam Comaromiensem donat.
In nomine sancte trinitatis et indiuidue vnitatis, patris, filij et spiritus sancti,

[648] Ibidem per lapsum calami: octauo.