amen. Bela, dei gracia Hungarie, Dalmacie, Croacie, Rame, Seruie, Gallicie, Lodomerie, Cumanieque Rex, Omnibus, presentes litteras inspecturis, salutem in omnium salvatore. Eorum, qui Regiam conducunt Cameram, vel pocius pro reditibus Camere Regie certam pecunie quantitatem se soluturus constituunt, obligantet promittunt, necnon conductores tricesime, seu emptores reddituam tricesime protempore, si non attenderint, quod promiserunt, uel non exsoluerint, quod debuerunt, siue nobis racione Camere, siue domine Regine, karissime consorti nostre, racione tricesime; bona omnia, mobilia et inmobilia et se mouencia, Iure Regio occupantur et nisi celeri satisfaccione sibi prouiderint, distrahuntur pro modo et mensura debite quantitatis, emptoribus propter auctoritatem Regiam contra quoslibet premunitis. Proinde ad vniuersorum noticiam harum serie uolumus peruenire, Quod cum Wluen, Nekkul et Oltmanuus,[649] Judei, filij Henel [650] Judei, nobis scientibus, conduxissent tricesimam a domina Regnina (sic), karissima consorte nostra, pro certa pecunie quantitate, nec exsoluissent totam debitam et conuentam quantitatem, sed adhuc remansissent debitores in octingentis marcis fini argenti, obligauerunt pro illis octigentis marcis fini argenti domine Regine Castrum suam Camarun, cum omnibus pertinencijs suis et vtilitatibus, ac Molendino in Thotha existenti, Quod castrum nos post Tartaros Henul Comiti, Judeo, patri eorum, donaueramus, dederamus et assignaueramus, certo termino redimendum, soluta prefata debite pecunie quantitate; quo termino veniente, uel non valentibus, uel non currantibus soluere, quod debebant; ad peticionem et nimiam instanciam eorundem, domina Regina adhuc asignauit eis alium terminum, in quo termino si non soluerent, quod debebant, astrinxerunt se preter principale debitum ad certam summam pecunie, ipsi domine Regine pene nomine persoluendam, Cum igitur ijdem Judei nec debitum persoluyssent et in multas penas commisissent (sic) propter plures terminos, sibi semper sub certis penis pluries concessos, et ab eis sussceptos, Ita, quod coaceruacio penarum summam principalem debiti excederet. Tandem ad nimiam instanciam ipsorum Judeorum, profitencium, se plus debere, quam habeant in bonis, domina Regina recepit predictum Castrum ipsorum, Camarun vocatum, cum omnibus vtilitatibus et pertinencijs, Juribus et attinencijs suis, et quodam molendino, existenti in Totha, ad predictum Castrum pertinenti, prout pater eorum et ipsi habuerunt, tenuerunt et possederunt, ipso Wluino et fratribus suis, Judeis, sponte offerentibus, dantibus et asignantibus in solutum, tam pro penis commissis, quam pro debit o principali. Domina itaque Regina, Castro Camarun ad manus suas prefato modo deuoluto, nobis requisitis et nobis consencientibus et approbantibus, vendidit

[649] In transumto anni 1383.: Wluyn Nekkel, et Olthmanus; in transumto Uladislai II., Weluen, Nekkul et Oltumanus.

[650] Intrans. 1383: Helel; Ulad. Henul.