733.
1269. a. 14. Oct. - Bela. IV. terram Kér Castri Nitriensis Philippo Archiepiscopo Strigon. confert.
Bela - - Rex - - „nos recensentes meritoria obsequia et obsequiosa merita venerabilis patris Philippi, Archiepiscopi Strigon., aule nostre Cancellarij, dilecti et fidelis nostri, que nobis et Regno nostro in diuersis nostris et Regni nostri negociis fideliter et laudabiliter in omnibus studuit exhibere, propter que volentes eidem occurrere Regio cum fauore, ad ipsim instanciam et peticionem quandam terram castri Nitriensis, Keer vocatam, iuxta fluuium Nitra sitam, - - contulimus ex Regia munificencia predicto venerabili patri Archiepiscopo perpetue donacionis titulo possidendam. - Datum - - , Regni a. 34.”
E Mss. Hevenesianis Wenzel 1. c. III. 200.
734.
1269. 19. Oct. - Soldan de Kék terram, iniuste occupatam, Monasterio de Tihany remittit, coram Capitulo Vesprim.
Nos magister F. prepositus et Capitulum Vesprimiensis ecclesie, Memorie commendamus, quod Comes petrus, officialis Monasterij Tykoniensis, pro abbate et Conuentu eiusdem Monasterij, ab una parte, et Soldan, filius Bench de keek, ab altera, constituti coram nobis, proposuerunt, quod super causa, quam vir venerabilis Jeronimus, abbas Monasterij supradicti, vicesimo secundo die beati Michaelis archangeli contra eundem Soldan coram Laurencio Palatino, Comite Symigiensi et de kemlek (?), mouere volebat, partes renunciando liti, per arbitrium bonorum virorum in huiusmodi concordiam deuenissent, quod idem Soldan dimidium Juger terre Monasterij memorati, pertinens ad molendinum pethurke, exequiatoris ipsius Monasterij, quod in fundum Curie occuparat, situm iuxta dictum Molendinum a parte septemtrionis, super quo eciam Juger terre stabulum ipsius Soldan fuerat situm seu edificatum, eidem Monasterio et consequenter dicto pethurke resignasset, reliquisset et restituisset, Jure perpetuo et pacifice possidendum. Datum anno domini Millesimo CCmo. sexagesimo nono, sabbato proximo post festum beati Galli.
E transumto Stephani Palatini a. 1389. in Arch. Prim. Sec. Lad. U. Fasc. 8. Nro. 170.