735.
1269. - Maria Regina merita Pauli Episcopi Vesprimiensis renumeratura, fratri ipsius, Comiti Benedicto, terras Monyoród et Munkád confert.
Maria, dei gracia Regina Hungarie, Vniuersis xpi. fidelibus, tam presentibus, quam futuris, presens scriptum intuentibus, salutem in domino Sempiternam. Illustres, inclitasque personas, regie dignitatis consorcio decoratas, decens est circumspeccione prouida pensare merita singulorum, ut quos fidelitatis inconuulse stabilitas et indefessus deuocionis feruor insignit titulis meritorum, eos attollant fauoribus regijs et dignis premiorum renumeracionibus accendant ad sinceritatis opera pociora. Proinde cum venerabilis pater Paulus, dei gracia Episcopus Wespremiensis, et Benedictus, comes Wespremiensis, fideles nostri, Domino Regi, nobis et Regno ob multiplicia probitatis sue merita et diutinos labores, quos pro quiete Regis et Regni sincere deuocionis studio sustinuere constanter, sint multipliciter commendati, decens esse censuimus, vt deuocioni ipsorum, et si non condigna, aliqualia tamen remuneracionis premia porrigamus. Scientes itaque ipsum venerabilem patrem in persona Benedicti comitis, fratris sui, remunerari multipliciter et foueri, et ipsum Benedictum comitem induci ad maiora fidelitatis opera, seu accendi, si per nos uideat laboris, ex fidelitate procedentis, premium sibi dari: terras nostras, Munorod et Munkad uocatas, in comitatu Strigoniensi existentes, ipsi Benedicto comiti de consensu et beneplacito domini nostri B., incliti Regis Hungarie, dedimus, concessimus et contulimus, donacionis titulo perpetuo ualiture; volentes, ut ipsas terras ex presentis docacionis nostre robore, tam ipse, quam sui heredes, heredumque successores possidere et habere, ac iure dominij, semper sibi saluo, ualeant retinere. In possessionem autem ipsarum terrarum, Munoros (sic) et Munkad uocatarum, ipsum comitem Benedictum per Nicolaum de Gerencher, hominem nostrum, coram Strigon. Capituli testimonio fecimus introduci, contradictore aliquo ipsi comiti Benedicto non existente. Cuius eciam et limitaciones metarum, quibus per vicinos et commetaneos contradictum non extitit, sicut in ipsius Capituli litteris uidimus contineri, hoc ordine distinguntur: Prima siquidem meta dicte terre Munkad incipit ab occidente iuxta terram Vrsap sub quibusdam piris; deinde iuxta eandem terram Vrsap tendit ad quendam Berch, ubi sunt due mete, quarum una, que existit ab oriente, est meta terre Munkad, alia vero existens ab occidente, est meta terre vrsap. Inde cum binis metis interpositis iuxta eandem terram vrusap (sic) descendit versus septemtrionem usque ad magnam viam, que de vrsey et alijs villis, ibidem existentibus, ducit Strigonium, iuxta quam viam terra vrsap terminatur, et iuxta illa viam, per quam ipsa terra Munkad distingitur a terra Beren, tendit cum quibusdam certis metis uersus orientem, usque ad terram Epsceu, ubi sunt tres mete angulares. Dehinc iuxta terram Epsceu