743.
1270. 18. Maii. - Moyses Palatinus Philippum Archiepiscopum Strigon, in munus Comitis Strigon., Capitulum autem in possessionem tributi, hucdum ad Comitatum pertinentis, introducit.
Nos M. palatinus, comes Supruniensis et Scybiniensis, significamus vniuersis. presentes litteras inspecturis, quod cum dominus noster Stephanus, inclitus Rex Hungarie, comitatum Strigon. venerabili patri domino Phylippo, Archiepiscopo Strigon. et archiepiscopatui suo, tributum uero totum, pertinens ad eundem comitatum, Strigon. ecclesie Capitulo, fidelibus suis, pro remedio anime domini B., clare memorie Regis Hungarie, karissimi patris sui, dederit, contulerit, et tradiderit, ab eis iure perpetuo irreuocabilter possidenda, et nobis preceperit, ut eosdem dominum archiepiscopum et Capitulum suum in corporalem possessionem eorumdem comitatus et tributi introducere deberemus; Nos iuxta mandatum eiusdem domini nostri Regis Stephani ipsos in possessionem huiusmodi, nullo contradicente, induximus pacifice et quiete. In cuius rei testimonium presentes nostras litteras dedimus, sigilli nostri munimine roboratas. Datum in dominica proxima post quidenam apostolorum Phylippi et Jacobi, anno dominice incarnacionis Mo. CCo. Septuagesimo.
E transumto Ladislai IV., vide ad a. 1288. 18. Apr. - Ed. Fejér 1. c. V. I. 21.
744.
1270. 6. Jul. - Capitulum Strigon., socium suum, Mathaeum Custodem, cum tribus parochis Strigon. circa praestandas candelas, transegisse testatur.
Nos Capitulum ecclesie Strigoniensis significamus omnibus, quibus expedierit, presencium per tenorem, quod cum inter magistrum Matheum, Custodem ecclesie nostre, ab una parte, Chedem, Nicolaum et Andream, sacerdotes ecclesiarum sancti Michaelis archangeli, sancti Johannis ewangeliste et sanctorum Cosme et Damiani de villa Monethariorum Strigonien., ab altera, mota fuisset contencio super eo, quo predictus magister M. Custos quemlibet prefatorum sacerdotum de obuencionibus Candelarum dicebat sibi racione Custodie dare debere in septem festiuitatibus anno quolibet singulam marcam Candelarum, et super hoc ipsi Custodi venerabilis pater, dominus noster, Ph. archiepiscopus Strigon., nobis presentibus, iuramentum indixisset; tandem inter predictas partes, mediantibus quibusdam ex nobis, extitit taliter ordinatum, quod prefatus magister M. Custos predictorum sacerdotum paupertati compaciens, duas marcas Candelarum, quas de septem. festiuitatibus in duabus
Első
