Juratis de contrata latina regali Ciuitatis Strigon., ad finem ville sancti Pauli accessimus, de ripa parui Danubij directe exundo (sic) ad litus ipsius aque in ipso litore et in latere ipsius litoris iuxta unam uiam antiquam, que gregum uia dicitur, uenientem directe de villa sancti Stephani ad paruum Danobium, ereximus iurantes unam terream metam, in cuius medio vnum erectum lapidem fecimus inponi. Deinde iuxta eandem uiam eundo aliquantulum ad partem ville sancti Stephani aliam terream metam ereximus, in Cuius medio similiter unum lapidem fecimus inponi propter cautelam firmiorem; exinde iuxta eandem parum progrediendo, ereximus terciam metam, in cuius medio pro signo similiter lapidem erectum fecimus introponi. Item quartam metam terream ereximus ad eandem partem eundo prope villam nostram sancti Stephani, similiter cum uno magno lapide, ubi separatur terra ville nostre sancti Stephani a terra ville sancti Pauli et separatur eciam a terra ecclesie sancti Egidij, que dicitur ipsius latine contrate regalis Ciuitatis, et sic cum eodem domino Philipo archiepiscopo Strigon. concordauimus. preterea hijs peractis, cum prenominatis arbitrijs et alijs communibus hominibus accessimus ad metas ville nostre sancti Stephani et terre Bille, a parte ville Capituli Strigoniensis, Dorogh vocate, et inuenimus in fine cuiusdam prati longi, a parte ville nostre sancti Stephani, in fine terrarum arabilium et a parte occidentis, quantum ad villam et terram Bille ibidem uicinantem, unam metam magnam antiquam, communiter separentem nobis et ipsi Capitulo, ubi ereximus concorditer eum ipso Capitulo duas metas, in numuero (sic) faciunt tres satis magnas, quarum una separat ville sancti Stephani a parte ville predicte, et a parte ville Dorogh que est, separat eidem ville Dorogh, et que est a parte ville seu terre Bille, separat terre Bille. Item ab ipsis tribus metis incipientes, fleximus nos aliqualiter circulando iuxta terram eiusdem ville Dorogh et transiuimus quasi ad partem meridionalem directe supra ad latus cuiusdam montis et ibi in latere eiusdem montis inuenimus unam metam terream iuxta vnam magnam viam, que ueniet de uilla Dorogh et uadit iu uillam nostram, Taat nominatam, et de voluntate eiusdem Capituli Strigon. iuxta ipsam unam metam ereximus aliam metam terream, que separat ville nostre sancti Stephani regis, a predicta villa Dorogh, que est Capituli, et deinde tenere incipit metas possessio ecclesie nostre sancti Stephani, cum terra cruciferorum ecclesie sancti lazarij, usque ad villam nostram tat currendo cum metis continuis, et sic cum capitulo Strigon. concordauimus in metis et causis nostris supradictis; presentibus eisdem Comitibus dominico, lorando, magistro Mychaele, Stephano, Jacobo et Benedicto, arbitrijs nostris supradictis. Et quia Ius est, quod cuiuslibet Capituli, vel Conuentus propria littera suo sigillo autentico in negocijs discordantibus et Causis sopitis modo supradicto contra sibi Inuicem partibus concordantibus