peruenire, quod vir venerabilis, frater Martinus, abbas monasterij beati Benedicti de Grana, ad nostram accedens presencium, obtulit nobis priuilegiales litteras fidelium nostrum, Capituli Nitriensis, datas seu concessas super empcione cuiusdam molendini, existentis in fluuio Goron, in uilla Bors, quarum quidem litterarum tenor talis est:
Sequitur Nrus. 752.
Nos itaque contractum huiusmodi aprobantes, prout eciam primitus per Dionisium, comitem Borsiensem, aprobatus fuerat, secundum quod ipsius littere declarabant et eciam collacionem vnius arse, siue situs curie, per dominum Regem, felicis recordacionis karissimum patrem nostrum, dicto monasterio in uilla eadem collati, iuxta suarum continenciam litterarum, ratam habentes, presentibus confirmamus, duplicis sigilli nostri munimine roborando; volentes quod abbas predicti monasterij super premissis nec per comitem Borsiensem, quicumque fuerit pro tempore, nec per alios quoslibet valeat ullo unquam tempore molestari. Datum per manus magistri Benedicti, Orodiensis ecclesie prepositi, Aule nostre vicecancellarij, dilecti et fidelis nostri. Anno domini. Mo.CCo. Septuagesimo Secundo, Tercio Idus Julij, Regni autem nostri anno Secundo.
Fragm. sigilli e viridi et violaceo serico pendet. Orig. in Arch. Cap. Strig. priv. Lad. 40. Fasc. 1. Nro. 13. - Ed. Cod. Strig. II. 109.
776.
(1270 - 1272.) 13. Jul. - Stephanus V. Rex Dionysio Comiti Barsiensi iniungit, ut fandum curiae in Bars cum molendino Monasterio s. Benedicti restituat.
Stephanus, dei gracia Rex Hungarie, fideli suo Dyonisio, comiti Borsiensi, salutem et graciam. Cum vnum situm curie in villa Bors et molendinum quatuor rotarum super fluuio Goron, in Curia eadem constitutum, iuxta continenciam litterarum Domini Regis, karissimi patris nostri et eciam litterarum Capituli Nitriensis, reliquerimus monasterio beati Benedicti in Goron perpetuo possidere, nostro id nichilominus priuilegio confirmando; Mandamus fidelitati tue per presentes, et requirimus diligenter, quatenus abbatem et fratres ipsius monasterij occasione molendini predicti vlterius non molestes, sed precise precipimus, quod restituas eisdem, difficultate qualibet non obstante. Datum apud sanctum Benedictum in festo beate virginis margarete.
Sigillum tergo fuit appressum. Orig. in Arch. Cap. Strig. priv. Lad. 1. Fasc. 8. Nro. 23. _ Ed. Cod. Strig. II. 231.
Első
