maioris splendoris exigentiam grandia sane Propylaea addidisti.
Sic prodiga largitate immanem impendis pecuniae vim, ut Bibliothecam, quam habes ditissimam, rarissimis et optimis operibus efficias refertissimam.
Sed proh dolor, haec et similia tempore iam erectionis semen in se recondunt desolationis....
Nam et praedecessores Tui, Jobus, Telegdinus et Dionysius, principem Hungariae Ecclesiam, primam et arte et splendore effecerunt: sed ecce aedes illae celeberrimae, unde tanto tempore fumus aromatum pro salute Regis et incolumitate patriae in conspectum Dei et Magnae Hungarorum Dominae ascendebat, temporum iniquitate et hominum corruerunt et lapis non remansit super lapidem! ...
Porro et praedecessor Tuus, Joannes Vitez, omni scientiarum genere eruditissimus. pretiosam sane et optimis graecis ac latinis codicibus locupletissimam comparavit Bibliothecam

---