30.
1274, - Magister Benedictus Electus Strigon. terram Torvaj Comiti Andreae confert.
Nos magister Benedictus Strigon. ecclesie electus, Budensis prepositus et aule regie vicecancellarius, memorie commendamus, quod nos terram Torowoy, que nobis racione dotis domine sororis nostre de possessionibus Des, filij des, est deuoluta, dedimus et Contulimus Andree comiti, filio Chopon, perpetuo possidendam, datum anno domini M° CC° LXX° IIII°.
Codex dipl. patrius. VI. 202.
31.
(1274.) - Conventus Cruciferorum Strigon. Nrum. 14. transsumit.
Excellentissimo domino suo, domino Ladislao, dei gracia illustri Regi Hungarie, frater Dominicus, magister Hospitalis, et totus conuentus cruciferorum sancti Regis Stephani de Strigonio, oraciones in xpo. debitas et deuotas. Vestra nouerit celsitudo, quod discreti viri ... prepositus et Capitulum ecclesie Strigon. a nobis per suum nuncium pecierunt, ut tenorem priuilegij uestri, confecti super villa siue terra, Epel vocata, continentis in se formam priuilegij felicis recordacionis domini Regis Stephani, karissimi patris vestri, sub nostro sigillo vestre excellencie mitteremus; quorum peticionem in hac parte nos esse considerantes congruam racioni et consonam equitati, predictum priuilegium, non abrasum, non abolitum, non cancellatum, nec in aliqua sui parte uiciatum, de uerbo ad uerbum, sine addimento et diminucione presentibus litteris inserentes, ad faciendam uobis fidem sub impressione nostri sigilli vestre misimus maiestati. Cuius quidem priuilegij tenor est talis:
Sequitur Nrus. 14.
Memorabile est conclusionem consuetam deesse, hinc nec datum certe determinari potest. Sigillum tergo fuit adpressum. Orig. in Arch. Cap. Strig. priv. Lad. 26. fasc. 1. Nro. 13. - Ed. Cod. Strig. II. 118. et Wenzel Cod. Arpad. IX. 101.
32.
1274. - Conventus de Ságh magistrum Ladislaum, Archidiaconum Honthensem, in villa Gyerki terram quandam emisse testatur.
Nos Laurencius prepositus et Conuentus fratrum ordinis Premonstratensis de Saag, significamus tenore presencium uniuersis, quod accedentibus ad presenciam
Első
