magister Benedictus, sancte Strigon. ecclesie electus, aule nostre vicecancellarius et prepositus Budensis, dilectus ac fidelis noster, necnon discreti viri, fratres de Capitulo Strigon. ad nostram accedentes presenciam, instanter postularunt a nobis, ut propter amorem omnipotentes dei et beati Adalberti martiris atque pontificis, et pro fidelibus Seruicijs predicti magistri B., nobis et Regno in cunctis Regni negocijs omnimode fideliter, laudabiliter et commendabiliter inpensis, quandam terram castri nostri Zulgageuriensis, Gormoth uocatam, ad tria aratra sufficientem, uacuam penitus et habitatoribus destitutam, necnon contiguam et commetaneam terre monasterij beati Adalberti, Gomoth uocate, ipsi monasterio[180] de benignitate et liberalitate regia conferre dignaremur; sed quia de qualitate et quantitate supradicte terre nobis ad plenum veritas non constabat, fidelibus nostris, commendatori et cruciferis sancti Regis de Strigonio dedimus in mandatis, vt unum ex ipsis transmitterent fide dignum, qui ipsam terram, presentibus omnibus commetaneis et uicinis, statueret et assignaret dicte ecclesie, si non fuerit contradictum; qui quidem commendator et cruciferi demum rescripserunt nobis, ut in reambulacione et statucione dicte terre eo, quod vacua esset et destituta habitatoribus, ac omnino nostre pertinens collacioni, nullus exstitisset contradictor, et sufficeret tantum trium aratrorum usui; commetatur eciam et uicinatur ipsi terre a parte orientis terra nobilium de Lula, et a parte septemtrionis terra cruciferorum predictorum, sicut in eorum litteris plenius uidimus contineri. Nos vero possessiones et prouentus omnium ecclesiarum dei iure legitimo in conferendis et dandis possessionibus augere cupientes, vt tenemur, peticiones eciam predictorum discretorum virorum iustas fore cognosscentes: prefatam terram cum omnibus utilitatibus et pertinencijs suis, sicut ipsum castrum primitus habuit et possedit, dedimus et donauimus predicto monasterio beati adalberti perpetualiter possidendam. Vt igitur huius nostre donacionis series perpetue firmitatis robur optineat, presentes concessimus litteras, duplicis sigilli nostri munimine roboratas. Datum per manus predicti venerabilis viri, magistri B., electi ecclesie sancte Strigon., aule nostre vicecancellarij et prepositi Budensis, dilecti ac fidelis nostri, anno domini M°. CC°. LXX°. quinto, Regni autem nostri anno III. Venerabilibus patribus Stephano Colochensi, et Johanne spalatensi archiepisscopis; Dionisio Jauriensi; Philippo Wachiensi; Thymotheo Zagrabiensi; discreto viro, magistro andrea, in Episcopum agriensem electo, et alijs quampluribus, ecclesias dei gubernantibus. Rorando palatino, Judice cumanorum; Johanne bano tocius sclauonie; Egidio magistro tauarnicorum nostrorum; Vgrino bano de Zeurino; Thoma Judice curie nostre; Nicolao magistro dapiferorum nostrorum; Petro magistro agasonum nostrorum; Dionisio comite

[180] Seu Capitulo Strigon.