54.
1277. 23. Mart. - Magister Ladislaus, Praepositus Strigon., de possessionibus, domibus, libris, vestibus, ac aliis rebus suis mortis causa disponit.
In nomine patris et filij et spiritus Sancti Amen. Anno domini M°. CC°. LXX°. VII°., Decimo Kalendas Aprilis. Ego Magister L. prepositus Strigon., volens pocius sub timore mortis viuere, quam sub spe vite mori; facio, condo, et ordino presens testamentum, in quo instituo heredem ecclesiam beati adalberti in tota terra, seu possessione mea, Guerkij vocata, tam empticia quam de Regia gracia acquisita, In qua eciam villa eadem ecclesia ab antiquo terram habet; excepta terra mea empticia, similiter Gwrkij vocata, quam emi a filijs Luka et Omodeo, ac filijs suis, ad duo aratra, quam relinquo sorori mee, nunc relicte Zadur, ita, quod si filium habuerit, uel filiam, ipsam terram filius suus, uel filia perpetuo valeant possidere, Si uero absque filio uel filia, nepote vel nepte mortua fuerit; eadem terra duorum aratrorum ad Capitulum deuoluatur. Molendijnum uero quod est in eadem terra, relinquo ad sustentacionem Sacerdotis ecclesie beate Katherine, qui pro tempore fuerit, quem uolo per dominos meos Capitulum Archydiacono Hontensi presentari et eorum consilio institui in eadem. Item Bybliam meam et volumen meum institutam (sic) autenticum et tres libros codicis in vno volumine, relinquo pro reformacione predicti molendini, quod exustum est, et pro emendis animalibus Capelle supradicte; Rogans dominos meos, Capitulum Strigon., quod in ipsa Capella conseruetur Sacerdos, qui nunc est, donec vixerit, uel sponte reces serit de eadem; Si autem recesserit, uel mortuus fuerit, ad presentacionem ipsius Capituli instituatur sacerdos in eadem. Relinquo etiam eidem Capitulo terram, sufficientem ad vnum aratrum, de terra mea empticia, quam a Pousa, Achylleo, et Marco comparaui. Item ad solucionem faciendam pro quantitate debitorum meorum relinquo quemdam vrceum argenteum, quinque marcas, uel circiter ponderantem, et duos Cyphos pulcherrimos cum pedibus, vnum cum copertorio, quos Chyphos volo vendi, cum sint de opere precioso et vnam scutellam, continentem tres marcas. Libri autem, quos ad debita et ad uendendum et distribuendum pauperibus pro anima mea relinquo, sunt Hij: decretum cum apparatu Johannis Theutonici; Decretales cum apparatu Bernardij; Dygestum vetus inforciatum, Digestum nouum; Sumpma Achonis; Codex; Libey sentenciarum; Scolastica ystoria et Breuiarium[205]; Item Moralia Gregorij, in vno volumine completa, relinquo fratribus predicatoribus de Conuentu Strigon. Item Soliloquia agustini, cum multis libris eiusdem in vno volumine, relinquo fratri Marcello, filio Marcelli. Item Distincciones Mauricij per alphabetum super diccionibus Theologycis et Psalterium glosatum, fratribus Minoribus de Strigonio.

[205] Fejér: Eremitarum!