66.
1278. 1. Jun. - Nicolaus PP. III. electione Nicolai Praepositi Transilvaniensis, et postulatione Petri episcopi Vesprimiensis reiectis, provisionem ecclesiae Strigon. sibi reservat.
Nicolaus - - ad futuram rei memoriam. - - Karacino presbitero et Nicolao clerico, procuratoribus - - Nicolai prepositi ecclesie Transilvane, causam electionis, que in Strigon. ecclesia, vacante per mortem - - Philippi Strigon. Archiepiscopi, de ipso Preposito dicitur celebrata, olim coram - - Gregorio, Innocentio et Adriano, tunc sancti Adriani diacono Cardinali, ex commissione ipsius Innocentii, necnon et Johannis, Romanis Pontificibus, - - ventilatam, dudum eiusdem Prepositi nomine prosequentibus coram nobis, ac petentibus cum instantia, ut electionem ipsam, quam dicebant canonicam et concordem, dignaremur confirmare, - - magister Paulus prepositus ecclesie Vesprimiensis, Canonicus Strigoniensis, procurator - - Vesprimiensis episcopi, asserens, quod predicti Capitulum eundem Episcopum in Archiepiscopum Strigon. in concordia postularunt, ac electioni huiusmodi se opponens, tam contra personam dicti Prepositi, quam contra formam electionis predicte, defectus et crimina infrascripta, nec non et alia, propter que dicebat eandem electionem non confirmari, - - seu potius cassam et irritam innitiari debere, obiecit, videlicet, quod per inpressionem, minas et terrores, tam per ipsum Prepositum, qui per unam diem Canonicos eiusdem ecclesie congregatos, in ipsa ecclesia Strigon. ad tractandum de electione pastoris, clausos fecit inibi detinere, cibum eis sumere non permittens, quam per - Elisabeth Reginam Ungarie Illustrem, eodem procurante Preposito, Canonicis ipsis illatos, ad electionem ipsam iidem Canonici processerunt. Quodque idem Prepositus raptor existit et incendiarius ecclesiarum, aliorum locorum et villarum plurimum manifestus, et crimine homicidii, perpetrati ab ipso in clericos et alios, irretitus, intollerabilem patitur in litteratura defectum. Et quod olim dum inter eum et quondam B(enedictum) Vicecancellarium - - Regis Ungarie Illustris, qui canonice ad ipsius ecclesie regimen, ut dicitur, erat electus, super electione huiusmodi questio verteretur, administrationi ecclesie predicte temere se ingessit et adhuc ingerere non veretur, Canonicos ipsius ecclesie, sibi, tamquam eorum prelato, prout nec tenentur, obidere nolentes, eiciendo a dicta ecclesia et eorum domibus per potentiam laicalem, ac bonis suis propriis et communibus spoliando. Sigillum quoque commune ipsius Capituli accipiens violenter, ipso ac multis aliis bonis abutitur, ad Capitulum pertinentibus supradictos, nonnullas res ipsius ecclesie pro sue voluntatis libito consumendo. Et litterarum dictorum predecessorum Gregorii[210] et Johannis[211] auctoritate citatus, - - comparere coram eis contumaciter

---

[210] Decimi nempe. Litterae hae nondum lucem viderunt.

[211] Vide Nrum 53.