uocata, que est pro meta a parte orientali et iuxta eandem aquam est dumus salicis, iuxta quem erecta est noua meta; Inde uadit iuxta unam uallem et uenit ad unam uiam, que uenit de villa Chuturtuk et ascendit in montem, in quo sunt due antique mete capitales et una noua; Deinde procedit uersus meridiem iuxta terram Opoy uocatam, que pertinet ad Castrum Posoniense, ubi sunt quatuor mete antique; Post hec procedendo iuxta eandem terram Opoy sunt due antique mete, et paulo longius eundo, sunt quinque antique mete iuxta terram Wedered; Hinc parum procedendo, est una antiqua meta; Deinde uenit ad terram Jablynch et ibi iuxta uiam sunt tres antique mete et iuxta eandem uiam procedendo uersus septemtrionem ad terram Zelynch, que pertinet ad Castrenses Castri Posoniensis, et ibi sunt tres antique mete, de quibus descendit in uia iuxta eandem terram Zelynch ad partem orientalem et ibi est una meta; Inde eundo sunt due mete et per illam uiam descendit et redit ad aquam Parna supradictam, et sic terminatur. In cuius rei testimonium et perpetuam firmitatem presentes concessimus litteras, duplicis sigilli nostri munimine roboratas. Datum per manus reuerendi viri, magistri Nicolai, electi Albensis ecclesie, Aule nostre vicecancellarij, dilecti et fidelis nostri. Anno ab incarnacione Domini Millesimo Ducentesimo Septuagesimo Octauo, Regni autem nostri anno VII°.
Fragmen sigilli e rubro et viridi serico pendet. Orig. atro charactere pulcherrime exaratum in Arch. Cap. Poson. priv. Capsa D. fasc. 3. Nr. 32. - Ed. Fejér Cod. dipl. V. II. 521.; qui haec adnotat: "Ex anno regiminis patet, pro 1278. rescribendum esse annum 1279." Nulla hic correctione opus est; septimus enim regiminis annus a 3. Sept. 1278. currebat.
72.
1278. - Ladislaus IV. Rex, quia plures fratres Augustiniani occasione expeditionis contra Ottocarum Bohemiae Regem praedicationibus suis milites animarunt, confirmat Nrum. 751.
Nos Ladizlaus, dei gracia Rex Hungarie, Memorie commendantes, Significamus, quibus expedit, presencium per tenorem vniuersis, Cum post obitum karissimi patris nostri, Stephani Regis, inclite recordacionis, nobis ad coronam et Regni solium in etate tenera sublimatis, Humani generis inimico Zizaniam seminante, in Regno nostro commota uaria gverrarum discrimina extitissent, necnon et diuersorum Regnorum circumiacencium Reges contra nostrum Regnum machinarentur, sediciones et prelia commouendo, Nos quia contra omnia nobis aduersancia uiriliter resistere debebamus; conuocatis Regni nostri barronibus (sic), qui tunc ecclesias dei feliciter gubernabant, uidelicet

---