Rudolphi Viennae contrahit et iuramento "in animam domini nostri regis Hungarie corporali prestito," cum sociis suis firmat[257].
Anno sequenti Ladislaus Rex sub fide sua regia et fide Stephani Archiepiscopi Colocensis, Lodomerii nostri et aliorum Stephano Bano reconciliatur, eique Judicatum Curiae Regiae addicit[258]. Anno pariter hoc Ladislaus Rex Mauritio et Andreae Comitibus, Officialibus Lodomerii nostri, terram Mezőtarcsa, iniuste occupatam, restitui mandat[259]. Mauritium hunc Lodomerio sanguine iunctum fuisse, supra vidimus.
Quomodo tandem a. 1279. 13. Jun. per Nicolaum PP. III. Archiepiscopus Strigon. renunciatus fuerit, Nrus. 80. ostendit. Papae hanc dispositionem Ladislao Regi gratam fuisse, inde patet, quia in quodam huius anni diplomate, septimo regiminis anno signato, adeoque ante Sept. edito, Lodomerium adhuc Episcopum quidem Varadiensem, sed iam "ad regimen Strigon. Ecclesiae deputatum" dicit et omnibus Praelatis anteponit[260]. Ex his una apparet, aberrasse Raynaldum, qui eum anno iam 1278. Strigonium translatum asserit[261]. Simili errore scribarum a. 1273. Vaciensis[262], anno autem 1291. adhuc Varadiensis Episcopus[263], tum a. 1262. iam Archiepiscopus Strigon[264]. titulatur.
Quam magna et quam ardua magnus hic, imo maximis merito accensendus Archiepiscopus peregerit, quantaque sollicitudine et indefessa cura vulnera Ecclesiae, quin et totius Regni sanare adnisus fuerit; acta mox producenda ostendunt. Sed memoriam sui aeternum per id vel maxime gloriosam reddidit, quod ultimo stirpis Regiae ramo, Andreae III. inconcussa fidelitate adhaeserit, eumque sui ipsius oblitus, seque et sua mille periculis exponens, contra diversos qui undique surrexerant hostes, quin contra ipsam etiam Romanam curiam intrepidus defenderit, incolumemque conservaverit. Occiso nempe Ladislao IV. Rege, Rudolphus Rex Romanorum et Nicolaus PP. IV. stirpem regiam in linea masculina defecisse censebant et uterque ius provisionis sibi arrogans, primus Hungariam tamquam feudum, filio suo Alberto Austriae duci contulit; Papa autem Regnum Hungariae "ad apostolicam

---

[257] Fejér Cod. dipl. V. II. 388. et Pertz Leg. II. 417., qui tamen erronee Lodomirum eum nominat.

[258] Fejér 1. c. pag. 447.

[259] Wenzel Cod. Arp. IV. 98.

[260] Fejér 1. c. V. II. 506.

[261] Annal. Eccl. Romae 1648. XIV. ad a. 1278. Hunc sequitur Katona Hist. Crit. VI. 778. qui post Prayum (Hier. II. 67.) literas quasdam Ladislai Lodomerio concessas et a. 1289. exaratas, (Vide Nrum. 230.) pariter ad a. 1278. reiicit.

[262] Cod. dipl. patr. VI. 193.

[263] Fejér 1. c. VII. IV. 219.

[264] Wenzel 1. c. VIII. 41.