Szerdahelyi Diploma Graecum S. Steph. Budae 1804. pag. 46.; Fejér Cod. dipl. VI. II. 38. et VIII. III. 432.
390.
1296. 25. Maii. - Jacobus Abbas de Zircz Cruciferos Strigon. ob Ecclessiam s. Andreae funditus destructam, vi Nri 371. excommunicat, donec per eosdem Episcopo Vesprimiensi satisfactum fuerit. - Datum in Cyrch in festo s. Vrbani Papae.
Fejér Cod. dipl. IX. VII. 718. - Vide Nrum 454.
391.
1296. 2. Jun. - Bonifacius PP. VIII. Moniales a decimis et quibusvis praestationibus pendendis dispensat.
Bonifacius Episcopus, seruus seruorum dei, dilectis in xpo. filiabus vniuersis Abbatissis et conuentibus Monialium inclusarum, siue ordinis sancte Clare, siue sancti damiani, seu Minorisse dicantur, salutem et apostolicam benediccionem. Laudabilis sacra religio, que in Monasteris uestris a nobis (sic) et alijs personis, in eis degentibus sub onere voluntarie Paupertatis, iugiter colitur, sic a uobis mundane dissolucionis relegauit illecebras, vt inter alia Claustralis abstinencie nexibus relegate, puritate fulgeatis obseruancie regularis et voluntatis libitum Choartantes (sic) omnino sub obediencie debito dignam et sedulam exhibeatis domino seruitutem. Hinc est, quod nos pium et congruum reputantes, ut uos illa prosequamur gracia, quam uestris necessitatibus fore perspicimus oportunam. Vobis vniuersis et singulis, auctoritate presencium, indulgemus, vt ad prestacionem decimarum de quibuscumque Possessionibus et alijs omnibus bonis vestris, que im presenciarum habetis et iustis modis, prestante domino, acquisiueritis in futurum; vel ad contribuendam in procuracionibus quorumlibet ordinariorum et Eciam Legatorum et nunciorum sedis apostolice et quibuslibet tallijs et Collectis, ac ad exhibendum Pedagya, Telonea et alias exacciones, quibusuis Regibus, Principibus, seu alijs personis secularibus minime teneamini, nec ad id compelli aliquatenus valeatis. Nulli ergo cet. Datum Anagine (sic) quinto (sic) Nonas Junij, Pontificatus nostri Anno secundo.
E transsumpto Boleslai Archiepiscopi Strig. a. 1324. 1. Apr. In Arch. Aerarii Reg. Acta Mon. Bud. fasc. 15. Nr. 9. Bonifacium hunc octavum fuisse, ad a. 1316. 24. Mart. videbimus. - Ed. Fejér Cod. dipl. VI. II. 53.
Első
