392.
1296. 24. Jul. - Capitulum Strigon. literas, sub antiquo sigillo suo editas, pro Conventu de Zobor transscribit.
A. B. C.
Vniuersis, presentes litteras inspecturis, magister Thomas prepositus et Capitulum ecclesie Strigon. salutem in domino sempiternam. Ad vniuersorum noticiam tenore presencium volumus peruenire, Quod religiorus vir, frater Dominicus, abbas monasterij de Zubur, ad presenciam nostram accedens, priuilegium ecclesie nostre, sub antiquo et maiori sigillo nostro quondam, m quo est forma monasterij et ante illud sunt ymagines duorum hominum[430], nobis exhibuit in hec verba:
Nycolaus prepositus Strigon. et eiusdem loci Capitulum, Omnibus, ad quos littere presentes peruenerint, oraciones in domino. Vniuersitati uestre significamus, quod constitutis in presencia nostra Stephano, Custode monasterij de Zubur, Mok, filio Laurencij, tunc curialis comitis eiusdem monasterij, ex parte abbatis et Conuentus eiusdem loci transmissis, ut dicebant, ab una parte; Burunch, filio Symonis de villa Musla, ab altera; proposuit B., quod Ladislaus, tunc comes Castri Nytriensis, terram cuiusdam maioris eiusdem Castri, nomine Zumbolh, de villa Copchuch, pro sua infidelitate ab eodem alienatam, sibi in remuneracionem sui seruicij contulisset, quam ipse monasterio de Zubur pro tredecim marcis argenti in perpetuam possessionem se uendidisse et de precio sibi plenissime satisfactum esse confessus est. Eadem autem terra, sicut idem B. dicebat, continuaretur (sic) terre predij dicti monasterij, quod dicitur Dobrodut, in medio nemoris, quod est inter fluuium Nyt(ra) et fluuium Rapchuch, quod prius fuit commune. Addidit eciam B., quod eadem terra ad Ladislaum comitem deuenerat hoc modo: quod cum quidam merito sue infidelita(tis ex) precepto illustris Regis Andree in carcere Nytriensi fuisset inclusus, dictus Zumboth, maior Castri, eundem incarceratum, furtiue de carcere eductum, ab(ire per)misit, quem contra dominus Rex per preces interueniencium licet a sanguinis sui effusione absoluisset, pro tanta tamen infidelitatis perpetracione omnem substanciam ipsius ... rire decreuit et sic terram ipsius prefatam L. comiti donauerat. Hijs propositis a Burunch, accessit Janus, maior quondam exercitus dicti Castri, pro se et pro alijs Jobagionibus eiusdem Castri et Ceka clericus ex parte Petri Jobagionis et quondam curialis comitis eiusdem Castri transmissus, ut dicebat, et hec omnia, que Burunch proposuit, uera esse asseruerunt et contractum, inter B. et monasterium de Zubur super predicta terra factum, de beneplacito et

---

[430] Vide sigillum hoc Tom. I. pag. 52.