eciam ... maligno spiritu imbuti elegerunt pocius seruire dyabolo, quam omnium creatori ... in tam numerosa gente, tamque spaciose porrectis locorum spacijs et regionibus, a Strigonio per uix numerabilia terrarum miliaria procul motis, hoc sanctissimum apostolice benignitatis mandatum summa paterne caritatis pietate plenum et inextimabiliter graciosum, in persona propria nos exequi non tam difficile, quam impossibile constat esse; iuxta prouidissimam dispensacionem apostolice iussionis importabilia paucis partiri cum pluribus huius onera nos oportet. Et ut in illis partibus seu prouincijs uos in exequendis huiusmodi diuinis negocijs pars apostolice sedis sitis, uocati in partem spiritualis sollicitudinis satis magnam annexam honeri adiungendum in hac parte duximus uobis honus, Requirentes paternitatem uestram, duplici uobis, apostolica scilicet et metropolitica auctoritate fiducialiter committentes, Quatenus in partibus illis, in quibus iuxta sacrorum statuta Canonum in agendis causarum spiritualium curis sancte matris ecclesie membrum estis, per uos uel per alios ydoneos predicetis uel predicari faciatis contra predictarum gencium patharenarum peruersitatem publice in sollempnitate debita uerbum crucis, donec pure et non ficte dimissis erroribus firmati clarescant et appareant in fide imitantes lumina ueri solis.
E Cod. Mss. sec. 14. Bibl. Palat. Vindob. sub. Nr. 481. pag. 228.b. Scriptura evanida. - Datae fuerint literae hae anno 1287. post 12. Mart. Vide Nrum. 195.
440.
.... 29. Jun. - Lodomerius Archiepiscopus Strigon. Magistrum Gregorium, rite electum Praepositum Albensem confirmari, eumque a personali comparitione per Papam dispensari petit.
Sanctissimo patri et domino, domino suo B. diuina prouidencia sacro sancte Romane sedis summo pontifici, Lodomerius, miseracione diuina Strigon. ecclesie antistes humil ... obediencia et reuerencia deuota pedum oscula beatorum. Inter omnium aliarum ecclesiarum beatitudinis uestre de Regno Hungarie calamitat ... et discrimina luc ... sa ecclesia albensis, in honore beate virginis dedicata, omnium patrimoniorum suorum et possessionum quondam Ladizlai Regis Hungarie Croacie etc. bone memorie, sicut male ad ultimam pene exinanicionem et extreme desolacionis obprobrium per predonum uastitates tyrannicas deductarum, vix longo tempore restaurabilium, (?) status sui deplorans dispendia, in profundum paupertatis dolorose demersa, lamentari cogitur et lugere, referta quondam densitate populorum et cultorum, (in hor)rendam esse (redacta) solitudinem arua sua. Cui et hoc in suorum augmenta

---